Mateus 1:1 - Bíblia

¹ Twu hinkakletlu Jesus Cristo hitsrukatene. Jesus Cristo, Davi whene, Davi, Abraão whene.

Mateus 1:1 ပူးပေါင်းရင်းမြစ်များ

Gênesis 12:3

Katukta hihlehchinikanutanyi pixa Hita hihlehchinikanutanna wanna hiyrun-koxa katukta hektuwaka htshinanwakatyi pixa Hit-koxa hektuwaka ntshinanwakatna wanna. Ptowru neruka xye tshiji hajene hihlehchinikanutka pixa tshinanu.

Gênesis 2:4

Wane rix-kamhaletlu Hoyakalu tenhohne, tshiji.

Gênesis 22:18

Hiyrun-koxa piklopichane tshinanu kihlewaka ntshinanwakatanna ptowruneruka tshij-hoho hwatshine hihlehchinikanutko klu tshinanu ntokanu pomkahitatka.

Gênesis 5:1

Xye papewomta yonha Adão klopicha piranyehni. Hoyakalu yinuwaka kamhalexinixkalu jeji piranakni xye. Hoyakalu waleko yáholu hkamhiylu.

Mateus 1:18

Waneya wan-rixa matreta Jesus Cristo. Runro, Maria tshinkaluro, José tshinkaluru hnunro tixinripa, seyni hi rapokmanetawalo tmichiwatatka Hoyakalu Hiwejikaluru pixkonuyma.

Mateus 1:2

Abraão wuhenetlu Isaque, Isaque wuhenetlu Jacó, Jacó wuhenetlu Judá hiyrunu Judá molene.

Mateus 15:22

Waneya sato suxo Canaã-nero wanestsi hajero yanwakatlu Jesus, wla ttshin-saplewleta: — Tsru Hixikatshriwa, Davi-ni klopicha tshinkaluru, petwamonutanunno! Nchitsho salewnapotuta kamtshi tomane hajeru tshinanu.

Mateus 3:16

Waneya hajeyri h-batiza-tkawa Jesus, honha ruchpajyatka waneklukawa tenhohne kotpukka. Waneya Jesus hetlu Hoyakalu Hiwejikaluru motkokoji pixka rixmanemta, rujrukamta, wale hohwaka rapoka.

Mateus 9:27

Waneya Jesus wane hichpajinixka, hepi jejine mtsawane wale hatjini hyana waneya wla htshin-sapletna: — Petwamonutanunwu, Davi-ni klopicha!

Lucas 1:33

Jacó-ni klopichane pohirepni hikeklu hohne mnikawnakatupa, hiyrun-koxa hpohirewnale hikeklu hohne nikawnanutka.

João 7:42

Hi he Hoyakalu tokanu yonatkaluru wla tshinpiranyehitlu Cristo, Messias tshinkaluru Davi klopichapni hiyrunu Belém poktshi, Davi tshinkaluru poktshite hmatuxini Messias?

Atos 2:30

Davi-ni Hoyakalu tokanu hinkakletatshrinixkani hiyrun-koxa Hoyakalu hinkaklexyalu pirana himatatshrini. Hoyakalu hinkaklexyatkalu Davi-ni, satu waleko hiklopichane phuru hixyawakapa waleni pixka.

Romanos 1:3

Xye yonatkaluru hinkakletlu Wutsrukate, Jesus Cristo, Hoyakalu whene. Himane Davi klopichani.

Romanos 4:13

Hoyakalu hinkaklexyalu Abraão hiyrunu hiklopichane xye tshiji psoluka renejyawakapna. Hoyakalu hinkaklexyalu Abraão, hi Moisés yonreru romkahixyawakatka tshinanni seyni Hoyakalu potukaxyawaklu Abraão ralixle tshinanni.

Romanos 9:5

Hitsrukatshinnixkani wannani Cristo molennixkani himaneyna. Waleni Hoyakalu ptowru potuko towutatshri. Himalwutkalurni wale ptowru hohnekananuko mnikawnakatupni. Amém.

Gálatas 3:16

Hoyakalu hinkakle pirana, Abraão hiyrunu Abraão klopichane tshinanu runkakletlu Hoyakalu. Halikaka tokantshi yonatkaluru wan-tshina hi hiklopichane tshinanni htshina, hi hixolune hkochtsheka seyni hiklopicha htshina satupka hkochtsheka. Piklopicha tshinanni htshina. Waleni Cristo.

1 Timóteo 2:5

Klu tshinanu rawa satupka Hoyakalu hikeni hiyrunu. Hiyrun-koxa satupkalu yine jihlepokyehikleru Hoyakalu tshinanuya. Waleni yineru Jesus Cristo.

2 Timóteo 2:8

Puchinikanru Jesus Cristo, Davi klopicha, hipuktshi ruchpajyatka riwejyawakatnaka, kihle piranalu potuko hiwekkaklewatatshri pirana tshinyawaka pixka, nunkakletjereru piranni.

Apocalipse 22:16

— Hita, Jesus-no yokanatlu ntowreru hiwejikaluru tenhohne hajeru ruphujexyawakaplu xyekaka pirana hixa Cristo tshinanu hapatjetatshinkakhi tshinanu. Hitni pohiru Davi-ni klopichno. Hitni hohisahi hatawnatshrino.