Marcos 8:2 - Bíblia

² — Netwamonutna nyi yine. Map-hohne hitaymana hiyrunu malechayna hnikanruna.

Marcos 8:2 ပူးပေါင်းရင်းမြစ်များ

Mateus 14:14

Waneya ruptejinixka Jesus, retna hixolune. Retwamonutatkana rutskalakna ptowruneko yeyixatshine.

Mateus 20:34

Waneya Jesus hetwamonutatkana, hkamrukayhaletna. Waneklukawa potuko retatkana romkahitatkaluna.

Mateus 9:36

Waneya hixolune yine rexiniklunu, retwamonutatkana klu tshinanu hkaheknanuwatna, hiknokkalune carneiro-ne ruslahjerna mwikane pixkalunni.

Marcos 1:41

Jesus hetwamonutlu waneya romyokanwakatlu. Hyotneklu. Waneya wla htshinru: — Hehe, naluka. Putskalakkatka.

Marcos 5:19

Seyni Jesus hi hitshitlu. Wane htshinhonuklu: — Pipji pyanutka pimwanune yehi. Punkakanna yine Tsru Hixikatshriwa Hoyakalu rixa hepixlexyawakyi pirana. Punkakanna retwamonuxyayi pirana.

Marcos 6:32

Hiyáhoni wannapka kahnete poktshiri hyatkana kanawaya.

Marcos 6:34

Waneya Jesus kanawa hiptejinixka, retna hixolune yine. Retwamonutna klu tshinanu carneiro-ne ruslahjerna mwikane pixkalunni. Waneya hixo pirana hyinuwaka hasrukletna.

Marcos 8:3

Hi naluka yokanretna mnikkane hma muhrojyawakanupna hatnu hapoya klu tshinanu satkaka yineru howuka hinya.

Marcos 9:22

Hixo kata kamtshi tshitshmero hiknoklu, honha ruknoklu koxa ruylaxyawakaplu seyni pixa himukata hepixlexinipno, pepixanno. Petwamonutanunwu hixni.

Lucas 15:20

Hiyáhoni hpalnamta. Hsatokatka rurupji nwaka. Seyni ruru howukako rexyalu. Retwamonutlu. Rasukanwakatlu, hsapriklu, ramlutlu.

Lucas 7:13

Tsru Hixikatshriwa Jesus hexinixkalo, retwamonpotutlo. Waneya wane htshinatkalo: — Hi ptshiyahatanu.

Hebreus 2:17

Hiyahokni xye pirana tshinanu rujhalu ptowru himolene hixannu pixka rix-manexyawaka tsru sacerdote rixyawakapa. Wan-hixatshripnawaka jetwamonuklerni hiyrunu ptowru potuko kihle kamrureyalni Hoyakalu piranaya, yine hektunu ruknokkajinripa.

Hebreus 4:15

W-sacerdote-te, Tsru Sacerdote potuko himata hetwamonutwu wuhroklekaka tshinanu, klu tshinanu wale koxa yohnitkatka hixa yohnijexikolu pixka, seyni wale hikeklu hektuwatatka.

Hebreus 5:2

Xye pixkalutu sacerdote hihrokatshri koxni wale, hiyáhoni rumukata hetwamonretna mimatkane, hiyrunu pupjetatshine koxa.