2 Waneya retna satkaka Jesus hasrukleru kaptshomyoluneko hnika, waleni merojikanekwa hnika.
— Haklu tshinanhe pasruklene majnakowaxyalu tsrunni hasruklewle pirana? Klu tshinanu merojikanekwa nika!
Waneya repomhaluna fariseu-ne hiyrunu kasruklewaklerune hinanchitkaluru pirana hasruklewatatshine: — Klu tshinanhe pasruklene hi homkahitlu tsrunni hixannu seyni kaptshomyoluneko hnikna?
Waneya fariseu-ne rexinixkalu Jesus merojikatukwa tuplachaxyawaka mes-yehi rimyeka.
Waneya Pedro wan-tshinna: — Hixa himatlu hinanchitkalurni judeu hapyehixyawakaplu pa neruko ho rimapatjexyawakapna. Seyni Hoyakalu hekhitatkano hikeni yineru malukkotu, kaptsholu Hoyakalu yhaleya.
Waneya nuhita: “Hike, Nutsrukate, klu tshinanu hikeklu hohne nniklu nikalu malukkotu ho minikole.”
Jesus nalixyawaka tshinanu nimatpotutlu hikeni himtuklewachatatshri. Seyni katukta pa hixanu himtuklewatatshri rikahwaklu waneya waleko htshinanu rumtujnawa.
Hiyáhoni hi pso salewnalukananu rujha yineru Hoyakalu Whene heyikatshri, hrahtshi runkaklexikolna hpowratjerumkana malukkotu hikahwakatshine? Hiyrunu hi pa salewaktshikananu rapnokaxikna Hoyakalu Hiwejikaluru henekachale hihlenu heyikatshine?
Hikepni hektuntshi, hi kapatmenuru kamhatshri, hi hayoklewatatshriko wane jihlokanu. Halikaka wale poktshi jihlokatshinepa, Carneiro Whene tshinkaluru yonawahlote steno hiweklu heneklewatatshri tshinkaluru hiwakatkaluru tsonu jihlokanu.