Marcos 3:2 - Bíblia

² Ruslahpotukanatluna Jesus ho hapnanuxikalur-hohnerhe rutskalaklewatanu ho hike hjihyehixyamkapluna.

Marcos 3:2 ပူးပေါင်းရင်းမြစ်များ

Mateus 12:10

Wane rawakanata satu jeji hiprihamyotatshri. Waneya satkaka wane hwakanatatshine haluk-hikolukanuwnakakletlu Moisés hiykole tshinanu. Wale tshinanu wla htshin-hepomhaletluna Jesus: — Ritshitkahe yineru satu rutskalajyawaka hapnanuxikalur-hohne?

Marcos 3:3

Waneya Jesus wan-tshinru jeji hiprihamyotatshri: — Yine hanikajite pyotunoxini.

Lucas 14:1

Waneya satu hapnanuxikalur-hohnetnaka Jesus jihloklu fariseu-ne-pji fariseu-ne kosekatshripji wane hnijyawakapa. Ruslahluna Jesus klu hkamhanu.

Lucas 20:20

Hiyáhoni hyinuwaka hislahletluna. Hwenutluna satkaka yineru waneya hyokanatluna rumlukanta hepomhalexyawakapluna Jesus. Kihle hchinikanune rixahoxnawana Jesus rumlukanuxyawakna. Wan-hixatshri hkachitko wale tshijne tsrukakalutene renekko.

Lucas 6:7

Waneya satkaka wane hwakanatatshine koxa fariseu-ne hiyrun-koxa pimrine kasruklewaklerune hinanchitkaluru pirana hasruklewatatshine ruslahpotukanatluna Jesus ho hapnanuxikalur-hohnerhe rutskalaklewatanu ho hike.

João 8:6

Wane htshinna rutseklexyawakluna Jesus, rumukata jihyehrexyawakapluna. Waneya Jesus yonohita. Tshiji hyonata himyojiya.

João 9:16

Waneya fariseu-ne wla tshina: — Ha wan-hixatshri jeji hi hetko Hoyakalu hichpajikatshrini klu tshinanu hi hkahwakpiratlu hapnanuxikalur-hohne. Seyni pimrine wla tshina: — Hanu xawakhe rumukata hektuwaka kamhatshri xye pixkalutu himyekaklewatatshri kamhaleta? Hiyáhoni hkotspalahchinikanutatkana yine.