Marcos 2:5 - Bíblia

⁵ Waneya Jesus hexinri wanna halixle wane htshinru hiktehatshri: — Mturu, pektunu puknojikatka.

Marcos 2:5 ပူးပေါင်းရင်းမြစ်များ

Gênesis 22:12

Hi puylatanru piwhene, — htshina Hoyakalu towreru tenhohne hajeru. — Hike pixanru. Xawakni nimatlu Hoyakalu pkahwakpiratatka klu tshinanu hi ptshipetlu pituru, pituru satupkalutu.

Mateus 9:2

Waneya yine hanikanwakatlu satu jeji hiktehatshri, hijeko hikoluhatshri. Jesus hexinri wanna halixle, wane htshinru hiktehatshri: — Kihle hichinikanupyi. Mturu, pektunu puknojikatka.

Mateus 9:22

Waneya Jesus heknojtata, retatkalo. Waneya wane htshinatkalo: — Chrima, kihlehchinikanupyi. Palixle hitskalakyi. Waneya waneklukawhapka potuko tutskalhatka.

Mateus 9:5

Hanupothe kihle tshinko? Wla htshinikowaka hiktehatshri: “Pektunu puknojikatka”, ho wla htshinikowaka: “Pyotunotanu pkochtshekjekotanu pyanutka”?

Marcos 2:6

Waneya wane koxa htuplakanatna pimrine kasruklewaklerune hinanchitkaluru pirana hasruklewatatshine. Wanna wan-tshinahchinikanuta:

Marcos 5:34

Waneya Jesus wan-tshinro: — Chrima, palixle hitskalakyi. Pyanu kihlehchinikanpatkayi. Kihlepatkayi psalewnakanaxinriya.

Lucas 5:20

Waneya Jesus hexinri wanna halixle, wane htshinru hiktehatshri: — Nimatletleru, pektunu puknojikatka.

Lucas 8:48

Waneya Jesus wan-tshinro: — Chrima, palixle hitskalakyi. Pyanu kihlehchinikanpatkayi.

João 2:25

Hiyáhoni hi rujhatkalu satu yineru hasrujyawaklu hanu rixa yineru klu tshinanu rimatatkalu yineru hchinikanu hwatshri.

João 5:14

Waneya wane pnut-hohne Jesus yoptotlu Hoyakalupjiya waneya wla htshinru: — Petanu. Putskalakkatka. Hiyáhoni xawakni hi pnute hektuwaka pkamhanu, hmakanhayehixyawakanupyi hektutu wane yohnikalutu.

Atos 11:23

Waneya rapojinixka Barnabé retlu Hoyakalu ramoxyawakna hiyáhoni rumuwata. Waneya Barnabé mixkotahchinikanutna psoluka rajiyna Tsru Hixikatshriwa Hoyakalu romkahixyawakna hiyrunu hi ruchotanruna Tsru Hixikatshriwa Hoyakalu.

Atos 14:9

Xye jeji yijnakotlu Paulo tokanu. Waneya Paulo hetlu, rimathetatkalu xye jeji halixlu hiyrunu rumukata hitskalakletko. Paulo yopukhapotutatkalu.

Atos 5:31

Seyni Hoyakalu hitaklu Jesus hpotukle sreta Tsru Hixikatshriwa rixyawakapa yine hiwekkakatshri rixyawakapa. Renejyawakna judeu-ne rehchinikanuxyawakapna hiyrunu rektunna ruknojyawakapna.

1 Coríntios 11:30

Wale tshinanukni hixa hixolunhi hyeyixjeta, hihrokjeta hiyrun-koxa satkaka hipnatka.

2 Coríntios 2:10

Hixa hanuruktako hektuntshi hamtakahchinikanyehixinritka hit-koxa hamtakhimtuknutanru. Klu tshinanu yineru rumtuknu namtajinri, hixa tshinanukni namtakanru rumtuknu Cristo hetanuya tshinanu.

Efésios 2:8

Klu tshinanu Hoyakalu himukatle reneklewle hiwekkakatkahi Jesus halixikowaka tshinanni. Hiyrunu hi hixako wuhlenu tshinanu riwekkakwu seyni Hoyakalu henekachale tshinanu tsonu wiweka.

Colossenses 3:13

Hakotachakakanu, hkaspukahchinikankakyehitanu satu yineru kojwajinhi. Cristo kaspukahchinikanyehixyawakhi pixka hixanu hixa.

Tiago 5:15

Hanjihohneru Hoyakalu munanhaleru, hitskalakanru yeyixatshri. Tsru Hixikatshriwa Hoyakalu hitskalakanru. Hiyrun-koxa majnakowatatshri rixini ruknokahchinikanyehitko rektunuya.