Marcos 2:2 - Bíblia

² Waneya wane rapatjexyana hixolune yine. Hiphaptostsiko maleka sreta hi hpoyahotatkana yine. Jesus tokantshi hinkaklewakanata.

Marcos 2:2 ပူးပေါင်းရင်းမြစ်များ

Mateus 5:2

Waneya Jesus yinuwaka hasruklewleta, wla htshina:

Marcos 1:14

Waneya hkachitkoklunutka João, Jesus Galileia hya. Runkaklewata kihle piranalu potuko Hoyakalu pohirewaxyawaka pirana.

Marcos 1:33

Ptowruneko tsru poktshi hajene pantshi hiphaptote rapatjexyana.

Marcos 1:37

Rukchijinixkaluna wla htshinruna: — Ptowruneko hijhayi.

Marcos 1:45

Seyni jeji hichpakamtatka hyinuwaka kopalpiranretlu hixo pirana potuko. Hiyáhoni wale tshinanu Jesus hi himukata phujewaka tsru poktshikaka jihloklexyawaka seyni kahnete yine mwiywakanu yehi rawjekanatatka Jesus. Wanepnawaka ptowru sretako hichpajikatshine yanwakjekanatlu.

Marcos 2:1

Waneya hi hix-hohne hiknohawa Jesus jihlokatnaklu Cafarnaum. Hyijnakpiranyehitka pantshitkalu.

Marcos 2:13

Waneya Jesus hichpakatnaka. Tsru hipowha nwaka hyatka. Hixolune yine yanwakatlu. Waneya Jesus hasrukna.

Marcos 6:34

Waneya Jesus kanawa hiptejinixka, retna hixolune yine. Retwamonutna klu tshinanu carneiro-ne ruslahjerna mwikane pixkalunni. Waneya hixo pirana hyinuwaka hasrukletna.

Lucas 12:1

Waneya rapatjetna hixolune yine, hixo mil yine. Haté hkatsrekkakna wannakakluko. Waneya mitshikananhapka Jesus wan-tshinna rasruklene: — Hetanru xako fariseu-ne tserutjeru. Waleni rixachalna.

Lucas 5:17

Waneya pa hohnetnaka Jesus hasrukakanatna. Wane koxa rawakanata satkaka fariseu-ne hiyrun-koxa satkaka yonawahlo yonha kyimakleru Jesus-stsi htuplakanatna. Ptowru poktshi pejnu runyatkana Galileia tshijneya hiyrun-koxa Judeia tshijne hajeneya. Jerusalém poktshi koxa runyatkana. Tsru Hixikatshriwa Hoyakalu himukatle Jesus-ymalu ptowru hahijewaktshi rutskalajyawaka.

Lucas 8:1

Waneya wane wkatanu, Jesus ptowru poktshi nwaka hyapa, tsru poktshi hiyrun-koxa mtserutu poktshikaka. Runkaklewakananumta kihler-potuko tokantshi Hoyakalu pohirewaxyawaka pirana. Waleymana rasruklene, doze-na.

Lucas 8:11

— Xyeni yapkaklu. Hitataji Hoyakalu tokanni.

Atos 11:19

Waneya Estêvão hiylatkoklunutka Cristo halixatshine hapatjetatshine hipalatatka salewaktshi tshinanu. Hiyáhoni Fenícia poktshi rapokna, Chipre poktshi, Antioquia poktshi koxa rapokna runkaklewatna hiwekkaklewatatshri pirana seyni judeu-ne tsonuko runkakna.

Atos 14:25

Waneya runkakletluna hiwekkaklewatatshri pirana Perge poktshi yehiya waneya hyatkana haté Atália poktshi yopjewakle.

Atos 16:6

Waneya Paulo rimotsaneyma koprutna Frígia tshijne, Galácia tshijne koxa. Seyni Hoyakalu Hiwejikaluru hi hitshitna Hoyakalu pirana runkajyawakna Ásia tshijneya.

Atos 8:25

Hiyáhoni Pedro, João hali hinkakletatkana yine Hoyakalu pirana hiyrunu rali hiphujtaletatkaluna Jesus kamrure pirana, hsatokluna Jerusalém nwaka waneya pa poktshikaka Samaria tshijne hyapamxyawakna runkaklexyaluna kihle piranalu potuko hiwekkaklewatatshri pirana.

Romanos 10:8

Seyni wla htshina yonatkaluru: “Hi howuklu tokantshi. Pinama rawa, paj-koxa rawa.” Walekni tokantshi halixlu pirana, wunkakletanru pirana.

2 Timóteo 4:2

Punkakletanru tokantshi hiwekkaklewatatshri pirana. Pkamhapotutanru punkaklewaxyawaka hipapkolu potuko hiyrunu hipapko minje koxa. Yine majnákonu puykotanu, ppoyikotanna, ptowutanna yine halikak-potu romkahixyawakna, pasruklewatanu ptowru mchiretannutshiyma.