Marcos 13:9 - Bíblia

⁹ — Wane ntshinhi ptowru potuka hmuphujewnaknukawa klu tshinanu preso hitakko, hjemahchinikanyehitko hiyrunu hanjihohnewakapjikaka hkotshipjexiko. Tsru hixikatshinwa hiyrunu tsrukakalune nwaka hanikko hita hiwaka tshinanu halikaka pirana hpohixyawakapa.

Marcos 13:9 ပူးပေါင်းရင်းမြစ်များ

Mateus 5:22

Seyni hita wan-tshinhi katukta hahnanutlu himole hike mixkatuko rukolukanuwnanu Hoyakaluya. Hiyrun-koxa katukta heyiklu himole (wla htshininri himole: “Hike mkochpakkatyi”), jemahchinikankakjexikowaka ranikkotka. Hiyrunu katukta wla htshininri: “Mahchinikanutyi” salewaktshi nwaka rumukata yokanatkota.

Marcos 13:5

Waneya Jesus yinuwaka hasrukletna, wla htshinna: — Xakoka hike yokwijetanhi.

Marcos 13:8

Pa neruymako hyahotkakanu satu neruko. Pa tshijneko yahotanru satupni. Hix-poktshi hiyolikanu. Natshipni. Xyekaka mturu tshino yinuwakle pixkalutni.

Marcos 6:11

Hma yoptotjenepa, hma jemjenepa tshinanu, hichpakamxinpatka waneya wanna hetanu hiwlihkajpatjixitanu rimaxyawakapna hi hixako htshinanni seyni hma yoptotjene malixlenu tshinanni.

Lucas 9:5

Hma yoptotjenepa, hma jemjenepa tshinanu, hichpakamxinpatka waneya wanna hetanu hiwlihkajpatjixitanu rimaxyawakapna hi hixako htshinanni seyni hma yoptotjene malixlenu tshinanni.

João 15:20

Hi hamtakanru tokantshi ntshinyatkahi. Xyekni wale: “Towrertshi hi htowutjeru yohnik-himukatatshrini wale”. Hiyáhoni hita hsalexinixka, hix-koxa hsaletanna yine. Hita ntshinyawaka rimrexinna waneya hixa tshinyawaka koxa rimretanna.

João 16:2

Hanjihohnewakapjikaka hkochpajikolupa hixa hiyrun-koxa rapokpapkolutanu hiylaxikowaka Hoyakalu halukanru hkamhahoxinwa.

Atos 21:11

Waneya Ágabo hapokastsixinwu Paulo rostuptshijre hkochtsheka waneya waleko hijixi himyo koxa rostuxnawa waneya wane htshina: — Wla htshina Hoyakalu Hiwejikaluru: Wla rixa hosturetanruna judeu-ne Jerusalém hajene xye hostuptshijru hitakjetatshri. Waneya judeu mixkane renekko.

Atos 7:54

Waneya hjihyehitjene yijnakotlu Estêvão. Hjihekanuwpotutna. Raskiyhiyehitluna.

Atos 9:16

Hitako hekhitanru Saulo ptowruka hsalewninripa Hita hiwaka tshinanu.

Filipenses 1:29

Klu tshinanu hixa henekka xye halukkaluru Cristo tshinanupa seyni hi koxa wale tsonu halixyawakapni seyni wale hikolukle tshinan-koxa hsalewnakakko.

2 Tessalonicenses 1:5

Xye tshinanukni rimathexikowakapa halikakalutni, potukalni jihyehixikolu Hoyakalu hikolukanuwnayehjixlewle. Hiyáhoni xye ptowruka tshinanu Hoyakalu pohirewaxyawaka yehi poyahokakatshinephi. Wale tshinanu hsalewnajeta.

2 João 1:8

Hislahinwa, hma mamtajyawakanuplu hkamrure seyni hyoptoxyawakaplu himlujikolupa psoluka.

Apocalipse 1:9

Hita João-no, hix-molekoxno Cristo tshinanu hiyrunu Hoyakalu pohirewaxyawaka hajer-koxno. Hapakapno ptowru salewaktshi tshinanuya hiyrunu kahwakachaklerno Jesus Cristo tshinanuya. Waneya mar powha hanikajite hwatshijitatshri Patmos tshinikowaka nwakanatatka. Kachitkalurukananno klu tshinanu Hoyakalu tokanu nunkakletjekanata hiyrunu Jesus Cristo pirana hiphujetkaluru nunkakletjekanata.

Apocalipse 2:10

Hi hpikanru salewaktshi hix-yehi hapokatshripa. Hjemanu! Halikaka tsru kamtshi Satanás satkaka hixa preso rutakjixanu hyahoxikowakapa. Dez hohne pejnu hsaletko. Seyni hi hihrokahchinikanutanu yahmaklu hipnanu. Waneyapa phuru hitakjetanru pixkalutu sahyi nenekanhi hiweklu heneklewatatshri.

Apocalipse 2:13

Nimatlu hwiywaka, tsru kamtshi Satanás pohirewaxyawaka yehi. Seyni nhiwaka homkahle hi hiknokatka hiyrun-koxa hi hiknokatkalu halixlu pirana homkahpotuxyawaka. Antipas tshinkaluru nuphujtatjeru ptowutkolu potuko rupniniklunupapkonatka hix-yehi hiylaxikaluru, tsru kamtshi Satanás hwiywaka yehi, seyni hi hiknok-halixletatka.