Marcos 10:2 - Bíblia

² Waneya satkaka fariseu-ne yanwakatlu Jesus hepomhalu retumhiyluna. Repomhaluna: — Moisés hiykole pirana yonatkalurlahe hi tshipetlu jeji hhanunro ruknojyawakapa?

Marcos 10:2 ပူးပေါင်းရင်းမြစ်များ

Mateus 15:12

Waneya rasruklene Jesus yehistsi hyana wla htshinruna: — Pimathe fariseu-ne hima rumtuwnahchinikanutna ptshinyawaka tshinanu?

Mateus 16:1

Waneya satkaka fariseu-ne hiyrunu satkaka saduceu-ne yanwakatlu Jesus retumhiywakapluna. Ranjitluna satu hetkaluru Hoyakalu pixkonu tshinanuya hkamhiywakapa.

Mateus 19:3

Waneya satkaka fariseu-ne yanwakatlu Jesus hepomhalu retumhiyluna. Repomhaluna: — Moisés hiykole pirana yonatkalurlahe hi tshipetlu jeji hhanunro ruknojyawakapa klunerujiji tshinanuktako?

Mateus 22:35

Waneya satu fariseu-ne, Moisés yonreru pirana himatpotutatshri, hetumhalu Jesus xye hepomhaluyma.

Mateus 23:13

— Hapnokatkalunephi kasruklewaklerune hinanchitkaluru pirana hasruklewatatshine hiyrun-koxa fariseu-ne, hixachatatshinhi! Hixa himaletna tenhohne pohirewaxyawaka jihlokpiratatshine. Hi hixako jihloklu. Hiyrun-koxa wane jihlokpiratatshine himaleta.

Mateus 9:34

Seyni fariseu-ne wla tshina: — Tsru kamtshi himukatleyma tshinanu hetko maleka ruknokna kamtshine.

Marcos 10:1

Waneya Jesus wane ruchpajya, Judeia tshijne hyatka, hkopruhatlu Jordão wenne. Waneya hixolune yine hapatjeyehitlu hiyrunukotnaka. Wale hasrukna rixa hasruhlexyawaka pixka.

Marcos 10:3

Waneya Jesus hihitna satu hepomhaluyma: — Kluhe ruykotatkahi Moisés-ni?

Marcos 8:11

Waneya fariseu-ne hapoka hyinuwaka hihretluna Jesus retumhiywakapluna. Ranjitluna hetkalurkaka hkamhiywakapa rekhixyawakapna hpixkonu ho Hoyakallahe runya ho hike.

Marcos 8:15

Jesus towutna ruslahyawakapluna wane htshinna: — Xako fariseu-ne hiyrunu saduceu-ne tserutjeru, Herodes tserutjer-koxa.

Lucas 11:39

Waneya Tsru Hixikatshriwa Jesus wan-tshinru: — Hixa fariseu-ne-nhi, herokalu copa stono prat-koxa maleka sreta tsonuya. Seyni hitoko hixa hinanwaka katsephi hahnanuwlu, hektuntshi koxa.

Lucas 16:14

Seyni fariseu-ne xye pirana jematshine heyiklu Jesus klu tshinanu ramotlona tiyiro.

Lucas 5:30

Seyni fariseu-ne hiyrun-koxa kasruklewaklerune hinanchitkaluru pirana hasruklewatatshine kahemhayehitna Jesus hasruklene. Wla htshinna: — Kluneru tshinanhe wannayma hnika, rura wanna jijhawenruklerune, hektuneyma?

Lucas 6:7

Waneya satkaka wane hwakanatatshine koxa fariseu-ne hiyrun-koxa pimrine kasruklewaklerune hinanchitkaluru pirana hasruklewatatshine ruslahpotukanatluna Jesus ho hapnanuxikalur-hohnerhe rutskalaklewatanu ho hike.

Lucas 7:30

Seyni fariseu-ne hiyrun-koxa Moisés yonreru pirana himatpotutatshine hi ralukluna João batiza-xyawakna. Hiyáhoni ruknokluna Hoyakalu halujyawaka ruchinikanreta heneklexikolmakna.

João 11:47

Waneya tsru hixikatshinwa sacerdote-ne hiyrun-koxa fariseu-ne hapatjeta judeu tsru hitakkaluneyma. Waneya wane htshinna: — Hanhe xawaka wixanu? Xye jeji híxolu hiyakolukaka hkamhajeta!

João 11:57

Mitshikananu tsru hixikatshinwa sacerdote-ne hiyrun-koxa fariseu-ne towutna yine, katuktako Jesus yehi himatatshri runkaklewaxinripa, klu tshinanu raluka kachretluna.

João 7:32

Seyni fariseu-ne jemlu tokantshi yine hixolune tokanu Jesus piranyehi. Hiyáhoni fariseu-ne hiyrunu tsru hixikatshinwa sacerdote-ne yokanatna Hoyakalupji hinotatshine Jesus-mka hkachixyawakna.

João 7:48

Petluhe satu judeu kosekatshri ho satu fariseu-ne halixyawaklu?

João 8:6

Wane htshinna rutseklexyawakluna Jesus, rumukata jihyehrexyawakapluna. Waneya Jesus yonohita. Tshiji hyonata himyojiya.

1 Coríntios 10:9

Hiyrun-koxa hi wyahotanru Tsru Hixikatshriwa Cristo hi wkahwakanru wektunu hma mapnokaxyawakanupa satkakni israel-nerunni pixka. Himnune hiylakanna wannani.