Lucas 9:7 - Bíblia

⁷ Waneya phuru Herodes, Galileia tshijne pohire, himatyehitlu Jesus kamhajekanatanru pirana. Waneya hkojwakahchinikanutatka Herodes klu tshinanu satkaka wan-tshinakanata: — João Batista-ni hetko hiwekatnaka.

Lucas 9:7 ပူးပေါင်းရင်းမြစ်များ

Mateus 11:2

Waneya preso rawinixka João jempiranyehixinri Cristo tshinkaluru kamrure, rasruklene hyokananwakatlu wale,

Marcos 8:28

Waneya rasruklene hihita: — Satkaka yineru wan-tshina pixa João Batista-yi; satuko wan-tshina Elias-yi; satuko wan-tshinyi satu mitshikawni Hoyakalu tokanu hinkakletatshriyi.

Lucas 13:31

Waneya waneklu satkaka fariseu-ne yanwakatlu Jesus. Wla htshinruna: — Hewi pasujinixka klu tshinanu phuru Herodes haluk-hiylaletyi.

Lucas 21:25

Waneya Jesus wan-tshina: — Waneplu hetkalurkaka tkatshiya, ksuruya, katahirin-koxa. Hiyrun-koxa tshijiya ptowru tshijne hajene tsru kaheknanuwlu retanna, mar powha hiyrunu tenoplojhalu honha sejire hamlenu tshinanu.

Lucas 23:7

Waneya rimaxinixka phuru Herodes hinoxyawaka sreta hajeru rixyawaka Jesus, phuru Pilatos yokanatlu phuru Herodes nwaka. Klu tshinanu phuru Herodes koxa Jerusalém poktshi rawakanata waneklu papko koxa.

Lucas 3:1

Quinze mhale pchinika hpohirewna romano-neru pohire Tibério tshinkaluru. Waneklukananuko koxa Pôncio Pilatos tshinkaluru towutjekanatlu Judeia tshijne. Herodes tshinkaluru towutjekanatlu Galileia tshijne hiyrun-koxa Herodes mole Filipe tshinkaluru Itureia tshinikowaka hiyrunu Traconites tshinikowak-koxa htowutjekanata. Lisânias tshinkaluru towutjekanatlu Abilene tshinikowaka.

Lucas 9:19

Waneya ruhitluna, wla htshinruna: — Satkaka yineru wan-tshina pixa João Batista-yi; satuko wan-tshina pixa Elias-yi; satuko wan-tshinyi pixa satu mitshikawni Hoyakalu tokanu hinkakletatshriyi, hiwejiklutnakyi.