Lucas 9:56 - Bíblia

⁵⁶ [Klu tshinanu Jeji Whene tshinkaluru hi hina yine samenru hnikaxyawakapa seyni halikaka runa riwekkajyawakapna yine.] Waneya pa poktshi nwakako hyatkana.

Lucas 9:56 ပူးပေါင်းရင်းမြစ်များ

Mateus 18:10

— Xako hi heyikanru satu nyi mturune klu tshinanu wane ntshinhi, hiwejikalune Hoyakalu towrene tenhohne hajene wanna tshinanu psol-hohneko rethojitluna Nuru tenhohne hajeru.

Mateus 18:11

[Klu tshinanu Jeji Whene xye tshijne hinatka riwekkajyawakaplu pupjetatshri.]

Mateus 20:28

Waneko pixka rixa Jeji Whene. Jeji Whene hi hina repixikowakapa, seyni runa repixyawakapna yine, riwejinri renejyawakapa, hixolune yine majnákonu hwenuxyawakapa.

Mateus 5:39

Seyni wla ntshinhi hixa: Hi hapnutanru hkamnitjeru. Satu yineru himpakhojixinipyi, pa sreta hoji koxa pumpakjixachatanu.

Lucas 19:10

Klu tshinanu Jeji Whene tshinkaluru hina hamhakanatatshri rujhiywakapa riwekkajyawakaplu.

Lucas 22:51

Seyni Jesus hitukjixna, wla htshina: — Hitshi hi wan-hixanu. Waneya hkamruklu hijepi hwakanaxyawaka. Waneya ruhlewata.

Lucas 23:34

Waneya Jesus wan-tshina: — Nuru, pamtakahchinikanyehitanru nyi yine hektunu. Klu tshinanu hi rimatna klukta hkamhana. Waneya hiknokkaluru ruknokna rimaxyawakapna katu kayatanru Jesus-ni mkalu.

Lucas 9:55

Seyni Jesus hiprotakatka waneya htshihetjetna. Wla htshina: — Hi himathexnawa hanu hixa hiwekletatshinhi hixa.

Lucas 9:57

Hatnu hapo hyapakanaxinna, satu jeji wan-tshinru Jesus: — Kasruklewakleru, hanuktako pyanu pixa nimotsatanyi hita.

João 10:10

Seyni katshowhuru xye tshinanu tsonu runa htshowhuxyawakapna, ruylalewaxyawakapa, hnikaxyawakapna carneiro-ne. Seyni hita hina carneiro-ne jiwekle hixyawakpatka hiyrunu hiweklu hike mmahaxikatutka nenejyawakapna.

João 12:47

Satu yineru ntokanu jematshri hmalixkanuklunupno hi nukolukanuwnakakanru. Klu tshinanu hi nuna xye tshijne nukolukanuwnakajyawaklu seyni nuna xye tshijne niwekkajyawakaplu.

João 3:17

Klu tshinanu Hoyakalu yokanatlu hituru riwekkajyawakna ptowru neruka seyni hi hyokanatlu hituru yine rapnokaxyawakapa.

Romanos 12:21

Hi hetachatanru hektutu hihrokkajyawakhi seyni hektutu hkamnitanu kihleruyma.

1 Timóteo 1:15

Xye ntshinreru halikakni hiyáhoni rujhalu ralixkoxikowaka psolu hchinikanuymako: Cristo Jesus xye tshijne hinpatka hektune riwekkajyawakapa. Hiyrunu wanna ptowruneka hektune pnuterutno hita.