Lucas 9:50 - Bíblia

⁵⁰ Waneya Jesus wan-tshinna João hiyrunu pimrine rasruklene: — Hi himaletanru klu tshinanu katukta hi kamnitwu, repixwu.

Lucas 9:50 ပူးပေါင်းရင်းမြစ်များ

Mateus 12:30

— Hiyáhoni hita nmepixjetu, waleni nkamnitjeru. Hitayma mapatjetkatu, hkotspallewata.

Mateus 17:24

Waneya Jesus rasrukleneyma Cafarnaum poktshi hapojinixka, Hoyakalupji jijhawenruklerune yanwakatlu Pedro waneya repomhaluna: — Hi he pasrukjeru wenutanru Hoyakalupji hijhawenre?

Mateus 17:26

Waneya Pedro wan-tshin-hihretlu: — Pnu tshijne hichpajikatshine wenutna. Waneya Jesus wla tshinru: — Hiyáhoni wale tshijne hajene hi wenutlu hijhawenuxikolu.

Marcos 9:38

Waneya João wan-tshinru: — Kasruklewakleru, wetlu jeji kamtshi hiknokatshri pixa phiwakaya seyni wimaletlu klu tshinanu hi hixa wepirni.

Marcos 9:41

Hichinikanru xye: Satu yineru honha copa stonha hixiniphi Cristo-nerunhi hixyawaka tshinanu, halikakni hyoptotanru rumlujikolupa.

Lucas 11:23

— Hiyáhoni hita nmepixjetu, waleni nkamnitjeru. Hitayma mapatjetkatu, hkotspallewata.

Lucas 16:13

— Hi satukna yineru towrertshi walerutu himukata kamhaletlu hepi phurune kamrure. Klu tshinanu rahnanutanru satu, satu ramotanu; ho satu repiretanu, satu reyikanu. Hixa hi himukata kkamrurewaklerune hixleta Hoyakalu tshinanu hiyrunu pohirewlu tshinanu.

1 Coríntios 12:3

Hiyáhoni himatjemanru xye pirana, hike yineru htowuta Hoyakalu Hiwejikaluru wla htshinyawaka — “Hamhatshripni Jesus.” — Hiyrun-koxa hike yineru himukata wla tshinreta: —“Jesus-ni Nutsrukate” — Hoyakalu Hiwejikaluru masrukkanuklunru hi rumukata wan-tshinreta.