Lucas 9:48 - Bíblia

⁴⁸ Waneya wla htshina: — Katukta hihle yoptoletlu xye mturu nhiwaka tshinanu hit-koxa hyoptotanu. Hiyrunu katukta yoptotanno hita, hyoptotanru hita nyokanatjeru. Klu tshinanu mujhakotu hikahwakleru hixa, walekni hijhakalur-potu.

Lucas 9:48 ပူးပေါင်းရင်းမြစ်များ

Mateus 18:10

— Xako hi heyikanru satu nyi mturune klu tshinanu wane ntshinhi, hiwejikalune Hoyakalu towrene tenhohne hajene wanna tshinanu psol-hohneko rethojitluna Nuru tenhohne hajeru.

Mateus 18:14

Waneko pixka rix-koxa Hirtshi tenhohne hajeru, hi raluklu satu mturu hamhiywaka.

Mateus 19:28

Waneya Jesus wla tshina: — Halikaka ntshinhi, ptowruka herotetkoklunuklu papko hyinuwajiniklunupa Jeji Whene towuwle royaknuyma, wale towuwlu pixkalutu nenekanhi hixa nomkahitjenhi hiyrun-koxa phuru tuplawakle htuplatanu hikolukanuwnakakanna israel-nerune doze ptohkakapni.

Mateus 25:40

— Waneya pohirtshi hihitanna, wla htshinanna: — “Halikakni wane ntshinhi, xyekaka hkamhiniklunna nomolene haté mujhakot-potu tshinanu hkamhinri, nkahwaklu hita tshinanu hkamhalu.

Mateus 25:45

— Waneya ruhitanna, wla htshinanna: — “Halikakni wane ntshinhi, hma kamhanutu xyekaka nomolene haté mujhakot-potu tshinanu, hita tshinan-koxa hi hkamhalu.”

Marcos 9:37

— Katukta hihle yoptoletlu xye pixkalutu mturu nhiwaka tshinanu hit-koxa hyoptotanu. Hiyrunu katukta yoptotanno hita, hi hita tsonu hyoptota seyni hyoptotanru nyokanatjeru koxa.

Lucas 10:16

Hixa yijnakotatshine hit-koxa hyijnakotna. Hixa hiknokatshine hit-koxa ruknokna. Hiyrunu hita hiknokatshine, nyokanatjer-koxa ruknokna.

Lucas 14:11

Klu tshinanu katukta kahwakpiratkaluru hitajinwa, malukkotu rutakko wale. Seyni malukkotu hi kahwajikatshriwa, hkahwakpiratka wale.

Lucas 22:26

Seyni hixa hi wan-hixanu. Seyni hijhakalur-potni mujhakot-potu hikahwajikatshriwa. Hiyrun-koxa tsru towutatshri hijhalu towrertshi pixka rixyawaka.

Lucas 22:30

Halikaka himinkanno, himuranno nikjexikowakaya npohirewaxyawaka hwatshri. Hiyrun-koxa phuru tuplawakle htuplatanu hikolukanuwnakakanna israel-nerune doze ptohkakapni.

Lucas 7:28

Klu tshinanu wane ntshinhi João Batista ptowru matutatshri yohnik-hijhakalurumkani. Wanepnawaka mujhakon-potu Hoyakalu pohirewaxyawaka hwatshine, João yohnik-hijhakalunetkani wanna.

João 13:20

Halikakni, halikakni ntshinhi, Katuktako yoptoxinri nyokanatanru hit-koxa hyoptotatka. Hiyrun-koxa nyoptojerupa nyokanatjeru koxa hyoptotanu.

João 14:21

Ntowuxyahi tokanu himwatshri, wale tokantshi homkahitatshri, walekni nalukjeru. Nalukjeru, hanuruktako yineru, Nuru Hoyakalu koxa halukanru. Hit-koxa halukanru wale hiyrunu wale yehi nuphujexinwa kat-potno hita.

1 Tessalonicenses 4:8

Hiyáhoni katukta hiknoklu xye tokantshi, hi yineru ruknoka seyni Hoyakalu Hiwejikaluru wenekjeru, ruknoka halikaka.

1 Pedro 5:6

Hiyáhoni Hoyakalu hepixle himukatatshri potuko mixkonu tshinanu hmasaxinwa. Wan-hixatshinepa hepixko Hoyakalu nurrewaxinri papkopa.

Apocalipse 21:14

Poktshi cerca-te, doze sotlu tsrukakalu hoho hwa. Doze Carneiro Whene tshinkaluru nuretanune hiwakkaka, doze sotlu hyonatkatka.

Apocalipse 3:21

“Hallirewatatshri ntshanixanu rituplatanno npohirewnale tuplawakle, hita hallirewaxinri pixka, Nuru Hoyakalu towuwlu tuplawakle nituplaxyawaklu Nuru Hoyakalu pixka.