Lucas 9:47 - Bíblia

⁴⁷ Seyni Jesus himatlu ruchinikanretanruna. Hiyáhoni satu mturu hkachita Jesus. Hyehistsi rutaklu mturu.

Lucas 9:47 ပူးပေါင်းရင်းမြစ်များ

Mateus 12:15

Xye pirana rimaxinixka Jesus, wane ruchpajyatka. Hixolune yine homkahimtlu hiyrunu rutskalakna yeyixatshine.

Mateus 9:4

Jesus himathetahchinikanutna waneya wane htshinna: — Klu tshinanhe wan-hixahchinikanuta xyekaka hektutu hichinikanrethajixyawaka?

Lucas 5:22

Seyni Jesus himathetahchinikanutna hiyáhoni ruhitna, wane htshinatkana: — Klu tshinanhe wan-hixahchinikanuta xyekaka hektutu hichinikanrethajixyawaka?

João 16:30

— Ha xawakni wimatyi pixa ptowru potuko himatatshriyi. Hi rujhalu yine hepomhiywakyi. Hiyáhoni walixyi Hoyakalu yokanreryi pixyawaka.

João 2:25

Hiyáhoni hi rujhatkalu satu yineru hasrujyawaklu hanu rixa yineru klu tshinanu rimatatkalu yineru hchinikanu hwatshri.

João 21:17

Waneya map-kata rixinri wla htshinru: — Simão, Jonas whene, puchiniknohe hita? Seyni Pedro wamonuwata klu tshinanu map-kata wla htshinru: “Puchiniknohe?” Hiyáhoni wla htshinru: — Nutsrukate ptowru potuko pimata, pimatlu nuchinikyi. Waneya Jesus wla tshinru: — Pohlutanna noprane carneiro-ne pixkalune.

1 Coríntios 14:20

Cristo tshinanu nmoletanune, hi mturune pixka hixanu hihchinikanuya seyni halikaka hektutu hmasatanu. Halikaka hihchinikanuya tsrune hixinwa.

Hebreus 4:13

Hiketkani pa hixanu yohimatkaluru Hoyakalu hetanu. Ptowru potuko hiyakotkaluru hiphujetkaluru, muchyatkotni Hoyakalu yhaleya. Hoyakalu yehi wuphujexinwa hix-yinwu ptowruneka.

Apocalipse 2:23

Wala whenene nuylatanu. Hiyáhoni ptowruka Cristo halixatshine hapatjexikowakkaka hajene himatanu hitakni yineru hchinikanu hiyrunu yineru haji hetjetatshrino. Hiyrunu hixa satkaka wenutko hkamrure wenru pso.