Lucas 9:44 - Bíblia

⁴⁴ — Hi xako hamtakanru xye tokantshi ntshinyahi. Jeji Whene tshinkaluru yine renekko.

Lucas 9:44 ပူးပေါင်းရင်းမြစ်များ

Mateus 16:21

Wale hohnekananuko Jesus yinuwaka hinkakletna rasruklene Jerusalém rujha yalexyawaka pirana hiyrunu hsalewniywaka hixo pa hixanu tshinanuya pirana tsrukakalune judeu-ne hiyrunu tsru hixikatshinwa sacerdote-ne myoya, kasruklewaklerune hinanchitkaluru pirana hasruklewatatshine myoy-koxa. Hiyrun-koxa ruylatko seyni map-hohne rixinri riwekanutnaka pirana.

Mateus 26:2

— Hixa himatlu hepi hohne mahatlu Páscoa hohne tshinkaluru waneya Jeji Whene renekko cruz rupniywakpatka.

Marcos 8:31

Waneya Jesus yinuwaka hasrukletna rasruklene, waneya wane htshinna: — Hita Jeji Whene tshinkalurno, nujhalu nsalewnapotuxyawakapa. Nuknokko tsrukakalune judeu-ne yehiya hiyrunu tsru hixikatshinwa sacerdote-ne yehiya, kasruklewaklerune hinanchitkaluru pirana hasruklewatatshine yehiy-koxa. Nuylatko. Seyni map-hohne rixinri niwekanutnaka.

Marcos 9:31

klu tshinanu rasrukna rasruklene, wla htshinna: — Jeji Whene tshinkaluru yine renekko. Wanna hiylatanru seyni map-hohne rixinri riwekanutnaka.

Lucas 1:66

Waneya ptowru yine xye pirankaka jematshine himretpiranatlu rajiyna. Repomhiynawana: — Klu hixatshripni xye mturu? Klu tshinanu halikaka phujetkalu Hoyakaluyma rixyawaka.

Lucas 18:31

Waneya Jesus hanikna kahnete doze rasruklene, waneya wla htshinatkana: — Jerusalém poktshi nwaka wyamtanu. Wane poktshikni rakanhini ptowruka yonatkaluru tshinyawaka mitshi Hoyakalu tokanu hinkakletatshinni yonre tshinyawaka pixka Jeji Whene pirana.

Lucas 2:19

Seyni Maria tshinkaluro ptowru piranako timreta tajiya. Tuchinikanretpiranatlu.

Lucas 2:51

Waneya Jesus hya runro, ruru yaholeyma. Nazaré poktshi nwaka hyana. Jesus yijnakotna. Seyni Jesus hinro xye pirankaka ptowruka tuchinikanreta tohchinikanuya.

Lucas 24:44

Waneya Jesus wan-tshinna: — Nimwakanaxiniwahi nunkakatkahi raluk-hakanhaleta ptowru potuko hita pirana yonatkaluru, Moisés yonreruya, Hoyakalu tokanu hinkakletatshine yonreya hiyrun-koxa Salmos-mta yonatkaluruya hita pirana.

Lucas 9:22

— Jeji Whene tshinkaluru hijhalu hsalewniywaka hixo pa hixanu tshinanuya. Nuknokko tsrukakalune judeu-ne hiyrunu tsru hixikatshinwa sacerdote-ne yehiya, kasruklewaklerune hinanchitkaluru pirana hasruklewatatshine yehiy-koxa. Nuylatko. Seyni map-hohne rixinri niwekanutnaka.

João 16:31

Waneya Jesus hepomhana, wla htshinna: — Halikaklahe halixno xawakni?

João 16:4

Seyni xyekaka nunkakhi, rakanhinipa xyekaka, hixa hichinikanru xyekaka nunkakakanaxyahi. Hiyrunu Jesus wan-tshina: — Seyni mitshikananu xyekaka hi nunkakatkahi klu tshinanu hix-yehi nwawa.

João 19:11

Seyni Jesus hihitlu, wla htshina: — Hike ptowuta pixa hita tshinanu Hoyakalu menekkanuklunyi. Wale tshinanu hita nsamyokjeru pixa pnute hektuwatatka.

Atos 2:23

Seyni Hoyakalu waleko ralujyawaka tshinanu Jesus renekhi hixa myoya. Waneya hixako hiylatlu. Jejine hektune cruz hiylaxyalu Jesus hixako tshinanu.

Hebreus 2:1

Hiyáhoni wujhalu wuslahpotuxyawaklu halikaka pirana wjemanru, xekoyaka wma pupjexyawakanuplu xyekaka pirana.