Lucas 9:24 - Bíblia

²⁴ Klu tshinanu katukta haluk-hiwekkakletanru riwejinrimka, ramtakanru riwekle; seyni katukta hita tshinanu hamtakanru riwekle riwekanu.

Lucas 9:24 ပူးပေါင်းရင်းမြစ်များ

Mateus 10:39

Katukta haluk-hiwekkaklexinwa, ramtaklewatanun-honuka. Katukta hamtakanru riwekle hita tshinanu riwekanu halikaka.

Lucas 17:33

Katukta haluk-hiwekkaklexinwa, ramtaklewatanun-honuka. Katukta hamtakanru riwekle riwekanu halikaka.

João 12:25

Yineru hamota hiwekletatshri, riwejinri ramtakanu. Seyni hiweklu xye tshijne hajeru mamotkatu, riwejinri rihnanutanu hike rixiniko mnikawnakatupa.

Hebreus 11:35

Suxone ralixle tshinanna hiwuhenene hipnatshine hyoptotatnakna hiwekatshinetnaka. Pimrinni salewnakakkanna seyni wan-hixatshinni hi rujhaluna hipuktshi rasujyawakapna ralixlena tshinanu. Wan-rixna klu tshinanu hkahwakatkaluna riwejinritnakna xye riweklena pnute hihlenurutu.

Apocalipse 12:11

Wmoletanune Cristo tshinanu hallitlu Tsru Kamtshi Carneiro Whene tshinkaluru hraha himukatle tshinanu hiyrun-koxa halikakalutu tokantshi runkakletjetanruna tshinanu. Hiyrun-koxa ralpokoxinwana rupniywakapna. Riweklena hi ramotpotutna.

Apocalipse 2:10

Hi hpikanru salewaktshi hix-yehi hapokatshripa. Hjemanu! Halikaka tsru kamtshi Satanás satkaka hixa preso rutakjixanu hyahoxikowakapa. Dez hohne pejnu hsaletko. Seyni hi hihrokahchinikanutanu yahmaklu hipnanu. Waneyapa phuru hitakjetanru pixkalutu sahyi nenekanhi hiweklu heneklewatatshri.