Lucas 9:22 - Bíblia

²² — Jeji Whene tshinkaluru hijhalu hsalewniywaka hixo pa hixanu tshinanuya. Nuknokko tsrukakalune judeu-ne hiyrunu tsru hixikatshinwa sacerdote-ne yehiya, kasruklewaklerune hinanchitkaluru pirana hasruklewatatshine yehiy-koxa. Nuylatko. Seyni map-hohne rixinri niwekanutnaka.

Lucas 9:22 ပူးပေါင်းရင်းမြစ်များ

Gênesis 3:15

Himnu, xawakni pkamnitjeropni suxo, pixa koxa hahkanro wala. Hiyrun-koxa himnu piklopichane hahkanro wala hiyrun-koxa suxo klopichaneyma hkamnikakanna, suxo whene hiylajiwutanunyi seyni pixa hachkastsihjixitanru.

Mateus 17:12

Seyni wane ntshinhi Elias hapokatka seyni hi rimathetluna seyni ptowruka raluk-hixlexyawakluna rixatkaluna. Waneko pixka rixanu Jeji Whene, hsalewnanu wanna tshinanuya.

Mateus 17:22

Waneya Jesus hiyrunu rasruklene hapatjexinixka, wla htshinna: — Jeji Whene tshinkaluru yine renekko.

Mateus 27:63

Waneya wla htshinatkaluna: — Tsru Hixikatshriwa, wuchiniklu wale kyokwirewaklerni riwekakanaxinni wla htshina, Map-hohne hiknohinpatka niwekkako.

Marcos 8:31

Waneya Jesus yinuwaka hasrukletna rasruklene, waneya wane htshinna: — Hita Jeji Whene tshinkalurno, nujhalu nsalewnapotuxyawakapa. Nuknokko tsrukakalune judeu-ne yehiya hiyrunu tsru hixikatshinwa sacerdote-ne yehiya, kasruklewaklerune hinanchitkaluru pirana hasruklewatatshine yehiy-koxa. Nuylatko. Seyni map-hohne rixinri niwekanutnaka.

Marcos 9:31

klu tshinanu rasrukna rasruklene, wla htshinna: — Jeji Whene tshinkaluru yine renekko. Wanna hiylatanru seyni map-hohne rixinri riwekanutnaka.

Lucas 17:25

Seyni mitshikananhapka rujhalu hsalewniywaka hiyrun-koxa ruknokko xye hohne hiwekatshine klu papko.

Lucas 24:26

Hi he rujhalu Messias tshinkaluru hsalewniywakapa waneya hyoptoxyawakaplu tsru pixkontshi walenuko?

Lucas 24:44

Waneya Jesus wan-tshinna: — Nimwakanaxiniwahi nunkakatkahi raluk-hakanhaleta ptowru potuko hita pirana yonatkaluru, Moisés yonreruya, Hoyakalu tokanu hinkakletatshine yonreya hiyrun-koxa Salmos-mta yonatkaluruya hita pirana.

Lucas 24:7

Wla htshinatkahi mitshikananu: “Jeji Whene tshinkaluru hijhalu renejikowakapa hektune myoya. Rujhalu ruylaxikowakapa cruz-ya. Waneya map-hohne rixinri rujhalu riwejyawakatnaka.”

Lucas 9:44

— Hi xako hamtakanru xye tokantshi ntshinyahi. Jeji Whene tshinkaluru yine renekko.

1 Coríntios 15:4

Waneya hkapnatka Cristo. Waneya map-hohne rixinri riwekatnaka, Hoyakalu tokanu yonatkaluru tshinyawaka pixka.

1 Pedro 1:11

Rujha himatjemletluna kluneru piranni xye hiyrunu rujha himatletluna hiklu rakanhanu xye pirana. Klu tshinanu Cristo Hiwejikaluru mitshi wanna hitokote hwatshri runkakna mitshi Cristo mapokatuwa pirana, Cristo saletle hinatshripa pirana hiyrunu hsaletle wane pnutepa ruphujexikolupa pirana.