Lucas 9:2 - Bíblia

² Jesus yokanatna Hoyakalu pohirewaxyawaka pirana runkaklexyawakapna hiyrun-koxa yeyixatshine rutskalajyawakna.

Lucas 9:2 ပူးပေါင်းရင်းမြစ်များ

Mateus 10:5

Nyikaka doze jejine hyokanata Jesus, wan-rix-towutletna: — Hi judeu mixkane tskala hyanu, hi hjihlokanru samaritano poktshitekaka.

Mateus 13:19

Hatnu hapostsi hapoktatajitatshri yaholni Hoyakalu pohirewaxyawaka pirana jematshri. Hjemmaka seyni hi rimatjemlu. Waneya runa Satanás kamtshi hkonyawakaplu Hoyakalu tokanu raji hitakkaluru.

Mateus 24:14

Hiyrun-koxa kihle piranalu potuko Hoyakalu pohirewaxyawaka pirana psol-tshijneko hpohixika, pa nerkaka himaxyawakaplu waneya waneklupatkani xye tshijne nikawninripatka.

Mateus 3:2

Wane htshinamta: — Hehchinikanutanu hektunu tshinanu klu tshinanu hi howukatkalu tenhohne pohirewaxyawaka!

Marcos 16:15

Waneya wla htshina: — Ptowru tshijne hyanu hinkakanna kihle piranalu potuko hiwekkaklewatatshri pirana ptowru tshijne hajeneka.

Marcos 6:12

Waneya hyatkana. Runkaklewatna hehchinikanru pirana.

Lucas 10:1

Waneya Tsru Hixikatshriwa Jesus setenta e dois jejine hnureta. Hyokanatna hepkaka hkosejyawakapna, ptowru poktshi hiyrunu ptowru tshijnekaka hyiywakapna, Jesus yapamxyawaka pejnupa.

Lucas 10:11

“Haté tshiji pahi xye poktshi hajeru, wijixi hipxakatshri pahi, wcheyitanu hixa hetanu. Seyni hichinikanru xye: Hoyakalu pohirewaxyawaka hapokanwakatamkahi.”

Lucas 10:9

Wane poktshi hwatshine hitskalhakakanu. Waneya wla htshinanna: “Hoyakalu pohirewaxyawaka hapokanwakatatkahi.”

Lucas 16:16

— Moisés hiykole pirana yonatkaluru hiyrun-koxa mitshikawlunni Hoyakalu tokanu hinkakletatshinni hinkakle hwatka haté João Batista klu papko. Waneya waneklukananuko, kihle piranalu potuko hiwekkaklewatatshri pirana Hoyakalu pohirewaxyawaka pirana, hinkakletka. Ptowrunek-yine yapretaklu wane hjihlojyawakapna.

Lucas 9:11

Seyni hixolune yine himatyehitlu wane hyiywaka. Hiyáhoni romkahitluna. Seyni Jesus kihle yoptole rixna. Runkakletluna Hoyakalu pohirewaxyawaka pirana hiyrun-koxa rutskalakna ptowruneko hpinitkonnalune.