Lucas 9:19 - Bíblia

¹⁹ Waneya ruhitluna, wla htshinruna: — Satkaka yineru wan-tshina pixa João Batista-yi; satuko wan-tshina pixa Elias-yi; satuko wan-tshinyi pixa satu mitshikawni Hoyakalu tokanu hinkakletatshriyi, hiwejiklutnakyi.

Lucas 9:19 ပူးပေါင်းရင်းမြစ်များ

Mateus 14:2

waneya wla htshinatkana htowrene: — Xyekni hetko João Batista-ni; hipuktshi riwekkajikatka! Wale tshinanu tsru kpixkonru xawakni.

Mateus 3:1

Waneklu papko João Batista hapoka, runkaklewakanata kahnete poktshiya, Judeia tshijneya.

Marcos 6:14

Waneya Phuru Herodes jemyehitlu Jesus klu tshinanu Jesus pirana ptowruchaka rupalpiranyehita. Hiyáhoni pimrine wan-tshina: — João Batista-ni hetko hiwekatnaka. Wale tshinanu kpixkonru hetkalurkaka hkamhiywakapa.

Marcos 6:15

Seyni pimrine wan-tshina: — Elias-ni hetkoni. Pimrine wan-tshina: — Hoyakalu tokanu heneklewatatshrini. Wale Hoyakalu tokanu hinkakletatshrini mitshikawluru pixkalutu.

Lucas 9:18

Waneya pa katatnaka ranjihohnekananumta Jesus, walepka. Waneya rasruklene repomha walestsi hwakanatatshine. Wane htshinna: — Kathe rikahwaknona yine?

Lucas 9:20

Jesus hepomhana: — Ha hixa, kathe hkahwakno? Waneya Pedro hihita: — Pixni Hoyakalu yokanreryi, Messias-yi.

João 1:21

Waneya repomhatkaluna: — Katpotyihe pixa? Elias tshinkalurlayihe? Waneya João hihitna, wla htshina: —Hike, hi waleno. Waneya repomhatnakna: — Hoyakalu tokanu hinkakletatshripotuklayhe? Seyni wla htshinatka João: — Hike.

João 1:25

Hiyáhoni repomhaluna, waneya wane htshinruna: — Cristo pmixkanuklunu ho Elias pmixkanuklunu ho Hoyakalu tokanu hinkakletatshri koxa pmixkanuklunu kluneru tshinanhe p-batiz-lewjeta?

João 7:40

Waneya yine hixolune xye pirana hjeminiklunna wla htshinna: — Xye jeji halikakni Hoyakalu tokanu hinkakletatshri potuko wikahwaklu.

João 9:17

Waneya wla htshinatnakluna mayhaletukananu: — Ha pixa hanu pixahotlu jeji piyhale himrekhakakatshri? Waneya wale wla tshinna: — Hoyakalu tokanu hinkakletatshrini wale.