Lucas 9:16 - Bíblia

¹⁶ Waneya Jesus kochtsheklu cinco pão, hepi chim-koxa. Tenhohne hyihata hpoyahnutlu Hoyakalu. Waneya hjiknajrotlu pão. Waneya rasruklene reneklu hixolune yine rapsaxyawakapna.

Lucas 9:16 ပူးပေါင်းရင်းမြစ်များ

Mateus 14:19

Waneya htuplakjixna ptowruneka peklomta hoho. Waneya Jesus kochtsheklu cinco pão, hepi chim-koxa. Tenhohne hyihata hpoyahnutlu Hoyakalu. Waneya hjiknajrotlu pão. Rasruklene reneklu waneya hixolune yine rapsatna rasruklene.

Mateus 15:36

Waneya hkochtsheklu sete pão hiyrunu chimane. Rali poyahnutlexini, hjiknajrotlu, rasruklene reneklu waneya rasruklene heneksatna hixolune yine.

Marcos 7:34

Waneya tenhohne hyihata. Rinniphata. Waneya wane htshinru: — Efatá. Wale haluka tshinreta: kajnakopyi.

Lucas 22:19

Waneya pão hkochtsheka. Waneya hpoyahnutlu Hoyakalu. Hjiknajrotlu pão waneya rasruklene reneklu. Waneya wla htshina: — Xyeni hatatjewa nomane. Hixa tshinanu renekka. Xye pixkalutu hkamhajetanu hita hichinijikolupa.

Lucas 24:30

Waneya nikawakakwa htuplata. Pão hkochtsheka waneya hpoyahnutlu Hoyakalu pão tshinanu. Waneya hjiknajrotlu pão. Waneya reneksatna.

Lucas 9:15

Waneya wan-rixana. Htuplakjixna ptowruneka.

Lucas 9:17

Waneya ptowruneko nikatka. Jinanutkana. Waneya hkochtshekluna hixetatshri pão psojkaka, chim-koxa, doze chiwatu htsepotana.

João 6:11

Waneya Jesus pão hkochtsheka, hpoyahnutlu Hoyakalu waneya Jesus hapsatna pão ptowruneko. Waneko pixka rixlo Jesus chim-koxa. Waneya ptowruneka hi psokta raluka nikletna wane pso hnikna.

João 6:23

Waneya wane pchinika pimro kanawkaka Tiberíades poktshi hichpajikatshrokaka hapokastsitlu hixolune mitshi nijyawaklu pão Jesus hali poyahnutlexinixkalu, Hoyakalu mitshi.

Atos 27:35

Waneya wane pnute Paulo kochtsheklu pão, hpoyahnutatkalu Hoyakalu wanna hetanu. Waneya hjiknajrotlu pão hyinuwaka nikletatkalu.

Romanos 14:6

Hiyáhoni katukta kahwakpiratlu satu hixatshri hohne Hoyakalu tshinanu wan-rixa. Hiyrunu katukta nika, Hoyakalu tshinanu hnika, klu tshinanu hpoyahnutlu Hoyakalu hnijitu tshinanu. Hiyrunu katukta hi ptowruka nika Hoyakalu tshinanu wan-rixa klu tshinanu Hoyakalu hpoyahnuta.

1 Coríntios 10:30

Hiyrun-koxa wane htshina: “Hoyakalu npoyahnuxini nikkaluru tshinanu, kluneru tshinanhe napatko npoyahnutanrutka tshinanu?”

1 Coríntios 11:24

Hoyakalu hpoyahnuta Jesus waneya hjiknajrotlu pão waneya wane htshina: “Xyekni nomane, hixa tshinanu jiknahkaluru. Xye pixkalutu hkamhajetanu hita hipnale hichinijikowakapa.”