Lucas 9:12 - Bíblia

¹² Waneya kayi rixinixka Jesus hasruklene hapyehitlu. Wane htshinruna: — Pyokanatanna yine hixolune poktshikaka nwaka hyiywakapna hiyrunu hsankaka wi potuko hwatshri nwaka hyiywakapna. Wane ruknokajinrina hoyetshno, rukchijyapluna hnikanrupna. Klu tshinanu hewi wwiywaka kahnete poktshirni.

Lucas 9:12 ပူးပေါင်းရင်းမြစ်များ

Mateus 14:13

Waneya xye pirana hjemini, kanawa hpokowna kahnete poktshiri hya rapaluchaxyawakapa. Seyni hixolune yine jempiranyehitlu wane hyiywakapa hiyáhoni poktshikaka ruchpajyatkana, tshijiko romkahixyaluna.

Mateus 15:23

Seyni Jesus hike tshina. Hiyáhoni rasruklene hyehistsi rapokna waneya hipokananu ranjitluna, wla htshinna: — Psatkakamtanro xako klu tshinanu hixa hatjini hi tutuka saplewjeremxya.

Mateus 15:32

Waneya Jesus tomhana rasruklene, wla htshinna: — Netwamonutna nyi yine. Map-hohne hitaymana hiyrunu malechayna hnikanruna. Hi naluka yokanretna mnikkane hma muhrojyawakanupna hatnu hapoya.

Lucas 9:11

Seyni hixolune yine himatyehitlu wane hyiywaka. Hiyáhoni romkahitluna. Seyni Jesus kihle yoptole rixna. Runkakletluna Hoyakalu pohirewaxyawaka pirana hiyrun-koxa rutskalakna ptowruneko hpinitkonnalune.

Lucas 9:13

Seyni Jesus wan-tshinna: — Hixa henekanna hnikanrupna. Waneya ruhitna: — Nijittshi wimwalerutka cinco pão hepi chima tsonu. Palukluhe wanjixyawakaplu nikkaluru nyi yine pejnu tshinanupa?

João 6:1

Waneya wane pnute Jesus kopruhatlu Galileia powha tujra wnahlu Tiberíades tshinikowaka.

Filipenses 1:19

Klu tshinanu nimatlu hixa hanjihohnere tshinanu hiyrun-koxa Hiwejikaluru Jesus Cristo hepixle tshinanu nuchotko.