Lucas 9:11 - Bíblia

¹¹ Seyni hixolune yine himatyehitlu wane hyiywaka. Hiyáhoni romkahitluna. Seyni Jesus kihle yoptole rixna. Runkakletluna Hoyakalu pohirewaxyawaka pirana hiyrun-koxa rutskalakna ptowruneko hpinitkonnalune.

Lucas 9:11 ပူးပေါင်းရင်းမြစ်များ

Mateus 12:15

Xye pirana rimaxinixka Jesus, wane ruchpajyatka. Hixolune yine homkahimtlu hiyrunu rutskalakna yeyixatshine.

Mateus 14:14

Waneya ruptejinixka Jesus, retna hixolune. Retwamonutatkana rutskalakna ptowruneko yeyixatshine.

Mateus 21:31

Waneya Jesus hepomhana tsru hixikatshinwa sacerdote-ne hiyrunu judeu-ne tsru hixikatshinwa, wla htshinna: — Hanurhe kamhalu ruru halujyawaka? Waneya wla htshinruna: — Hituru tsrujru. Hiyáhoni Jesus wla tshinna: — Jijhawenruklerune hiyrun-koxa kapoklewaklerone Hoyakalu pohirewaxyawaka jihlokanu hixa hkosejinna.

Mateus 21:43

Hiyáhoni wane ntshinhi: — Hoyakalu pohirewaxyawaka hixa hkonka, waneya pa neru renekko Hoyakalu halujyawaka kamhatshinepa.

Lucas 1:53

Jinanu rixkakna natshikanatatshine ptowru nijittshi kihleruya. Phurune hyokanatanna hyiywakatkana hike manikaneko.

Lucas 5:31

Waneya Jesus wan-tshinna: — Pomtalune hi haluklu kpinrewakleru seyni katshinomtalu haluklu.

Lucas 8:1

Waneya wane wkatanu, Jesus ptowru poktshi nwaka hyapa, tsru poktshi hiyrun-koxa mtserutu poktshikaka. Runkaklewakananumta kihler-potuko tokantshi Hoyakalu pohirewaxyawaka pirana. Waleymana rasruklene, doze-na.

Lucas 8:10

Waneya wane htshinna Jesus: — Hixamka henekka himaxyawakaplu mimatkotu pirana Hoyakalu pohirewaxyawaka pirana. Seyni pimrine tshinanu yapkaklu nkamhiylu ptowru piranako. Rexinna retmakna, hi rapkathojitna; hjeminna, hjemmakna hma mimatjeminixipna.

Lucas 9:10

Waneya hsatojinixkana Jesus nurrene, runkakluna Jesus ptowruko hkamhapanruna. Hiyáhoni ranikna wannapka kahnete poktshiriya Betsaida poktshistsi hajeru nwaka.

Lucas 9:12

Waneya kayi rixinixka Jesus hasruklene hapyehitlu. Wane htshinruna: — Pyokanatanna yine hixolune poktshikaka nwaka hyiywakapna hiyrunu hsankaka wi potuko hwatshri nwaka hyiywakapna. Wane ruknokajinrina hoyetshno, rukchijyapluna hnikanrupna. Klu tshinanu hewi wwiywaka kahnete poktshirni.

Lucas 9:2

Jesus yokanatna Hoyakalu pohirewaxyawaka pirana runkaklexyawakapna hiyrun-koxa yeyixatshine rutskalajyawakna.

João 4:34

Waneya Jesus wla tshinna: — Nnijitni waleni nyokanatjeru halujyawaka nkamhiywaka hiyrunu nnikaxyawakaplu hkamrure nenejikolu.

João 6:37

Ptowru pejnu Nuru Hoyakalu henejyano, hinanwakatno. Hiyrun-koxa ptowru pejnu hita nwaka hapokatshri hikeklu maleka nuknokanru.

Atos 28:31

Tsru hihchinikanuyma runkaklewata Hoyakalu pohirewaxyawaka pirana, Jesus Cristo pirana koxa hiyrunu hike himaletpiranatlu.

Romanos 10:14

Seyni hanhe rixa hanjiretanruna Tsru Hixikatshriwa Cristo hma malixkanuklunruna? Hanhe xawaka rixa himukatle halixletluna hma yijnakpiranyehitanutna? Hanu rixa yijnakoletanruna hiwekkaklewatatshri pirana hike munkakkanuklunna?

Romanos 10:17

Hiyáhoni kihler-potuko tokantshi jemikowaka ruchpajini halixlu. Hiyrunu yine jemanru kihler-potuko tokantshi satu hinkaklexinri Cristo pirana.

Romanos 15:3

Klu tshinanu Cristo hi wale nanwaka tsonu hichinikanrexnawa. Seyni wan-rixa Jesus htshinyawakakotnaka yonatkaluru potukalu, wan-tshinatshri: “Heyiklewlu htshina heyiklexyawakyina pixa, hita hoho rapoka htshina heyiklexyawakyina pixa.”

2 Timóteo 4:2

Punkakletanru tokantshi hiwekkaklewatatshri pirana. Pkamhapotutanru punkaklewaxyawaka hipapkolu potuko hiyrunu hipapko minje koxa. Yine majnákonu puykotanu, ppoyikotanna, ptowutanna yine halikak-potu romkahixyawakna, pasruklewatanu ptowru mchiretannutshiyma.

Hebreus 4:16

Hiyáhoni Hoyakalu tuplawakle tskihistsi wyanu hike wpikanu klu tshinanu wanetkalu hetwamonru hikchijikolu. Wane wukchijinri Hoyakalu hetwamonuxyawakwu hiyrunu repixle tshinanwu ptowru katako wujhiniplu.