Lucas 8:43 - Bíblia

⁴³ Waneya twa sato suxo hihrahawatatshro. Doze hwalapu hima tuhrahawatatka. Hixo kpinrewaklerunemka pinixnixkalo hiyrunu tnikatlewatanatka ptowruka twinri. Hike himukata hitskalhakakletlo.

Lucas 8:43 ပူးပေါင်းရင်းမြစ်များ

Marcos 12:44

Klu tshinanu nyi pimrine hixetatshro tsonu rutakna. Seyni wala, hike mwikato, teneklu psoluka timwakanatanru, tyoptojetanru tenekatka.

Marcos 9:18

Ptowru hohneruka kamtshi kamnitlu, ruknoklu tshiji. Waneya hyinuwaka hichpaksolnamletana, raskiyhita, ruhrokamta. Pasruklenemka nanjita ruknojyawakapluna kamtshi seyni hi rumukatna.

Lucas 13:11

Waneya sato suxo satu kamtshi yeyixkaklewatatshri twiya. Dezoito mhale pchinika hyeyixkaklo wala suxo. T-satkokanatka. Hi tumukata potukawleta hi psotsonujijiko.

Lucas 13:16

Hiyrunu xawakni twu suxo Abraão-ni klopicha. Satanás kachitanro dezoito mhale pchinika. Hiyáhoni kluneru tshinanhe hi tumukata hichotkota xye tkachikanaxikolu hapnanuxikalur-hohne?

Lucas 8:27

Waneya kanawa ruptejinixka Jesus satu jeji poktshi hajer-makni, kamtshine himwatshri yoptotlu. Hix-hohne mamkatni. Hi pantshiko rawa seyni yomletshi rawa.

Lucas 8:42

klu tshinanu richitsho, satopkaluto, doze mhaleruto, tupnakastsitkani. Waneya Jairo-pji hyakananumxiniwa Jesus hixolune yine hipxakjemtlu.

Lucas 8:44

Jesus tjimne sretako tunya waneya tkamrukamkatlu. Waneklukawa potuko tutukahrahatatka.

João 9:1

Waneya Jesus yamxini retlu satu jeji mayhaletu. Hmatuxinikawa mayhaletni.

João 9:21

Seyni hi wimata hanukta rixa hetletatka. Hiyrun-koxa hi wimatlu katukta himrekhakaklu. Seyni tsru yinerutkani hiyáhoni wale potuko hepomhanu. Waleko hinkaklexinwa.

Atos 3:2

Ptowru hohneruka satu jeji hmatureyakawa myankatu Hoyakalupji hiphaptote kihlewaka tshinkalurustsi rutakjetka. Wan-rutakluna myankatu tiyiro ranjixyawakapna hiphapto jihlokatshinepa.

Atos 4:22

Xye jeji hitskalakkalurutka hiyákolu tshinanu quarenta mhale pnutetkalu.