Lucas 8:37 - Bíblia

³⁷ Waneya hpikpotutatkana ptowrunek-yine Gerasa tshiji sreta hajene. Hiyáhoni ranjitluna Jesus wanna tshijne ruchpajyawakapa. Waneya kanawa hpokownatka Jesus. Waneya hsatokhonukatka ruchpakakanaxyawaka sreta.

Lucas 8:37 ပူးပေါင်းရင်းမြစ်များ

Mateus 8:34

Hiyáhoni wane poktshi hajene ptowruneka hinamta retapyawakapluna Jesus. Seyni rexiniklunruna, hipokananu ranjitluna wanna tshijne ruchpajyawakapa.

Marcos 5:17

Waneya hipokananu ranjitluna wanna tshijne ruchpajyawakapa Jesus.

Lucas 10:16

Hixa yijnakotatshine hit-koxa hyijnakotna. Hixa hiknokatshine hit-koxa ruknokna. Hiyrunu hita hiknokatshine, nyokanatjer-koxa ruknokna.

Lucas 5:8

Waneya xye rexinixka Simão Pedro, hyoptsojityehitlu Jesus. Waneya wane htshinru: — Tsru Hixikatshriwa hit-yehi pasujini klu tshinanu hitni jejno hektuntshi hwalerno.

Lucas 8:28

Waneya Jesus rexiniklunu hsaplewata. Hyawnamta Jesus-stsi. Tsru plama rixa waneya wane htshin-saplewleta: — Jesus, Hoyakalu ten-potu hajeru whene! Kluhe pixannatkano? Nanjityi hi psaletpotutanunno.

Lucas 8:36

Waneya kkamtshithixapatshri hetakanatjene hinkakna hanu rixa hitskalakletkatka.

Lucas 8:38

Seyni wale jeji kkamtshithixapatshri hanjitmaklu Jesus, waleyma rixyawakpatka. Seyni Jesus yokanatlu. Wla htshinhonuklu:

Lucas 9:5

Hma yoptotjenepa, hma jemjenepa tshinanu, hichpakamxinpatka waneya wanna hetanu hiwlihkajpatjixitanu rimaxyawakapna hi hixako htshinanni seyni hma yoptotjene malixlenu tshinanni.

Lucas 9:56

[Klu tshinanu Jeji Whene tshinkaluru hi hina yine samenru hnikaxyawakapa seyni halikaka runa riwekkajyawakapna yine.] Waneya pa poktshi nwakako hyatkana.

Atos 16:39

Wane hyatkana romano chefe-tene desculpas ranjitna hiyrunu hkochpakna preso-ya. Romano chefe-tene hanjitna ruchpajyawakapna poktshiya.