Lucas 8:18 - Bíblia

¹⁸ — Hiyáhoni hislahinwa hanu pixa yijnakoletanru xye hima: Klu tshinanu hwikatshri pnute renekko. Seyni hike mwikatu haté seyo rimwaleru hkonkona.

Lucas 8:18 ပူးပေါင်းရင်းမြစ်များ

Mateus 13:12

Klu tshinanu katukta himatjemlu, Hoyakalu pnute rimatjemkakanru wale haté rimatjempotuxyawakaplu. Seyni mimatjemkatu haté rimatjemlejiji hkonanu Hoyakalu.

Mateus 25:29

Klu tshinanu tsru himwatshriko pnute renekko wane yohnika. Hiyrun-koxa hike mwikatu seyo rimwalerujiji hkonko.

Marcos 13:14

Jesus pnute hya hinkakleta, wla htshina: — Hexinpatkalu tsru jhamleru mkahwajikowakanu yehi hixa himathethatatshinhi xako himatjemanru. Waneyakni katukta Judeia hwanu, rasukanu, hipjita hyanu.

Lucas 19:26

— Waneya wla htshina phuru: “Wla ntshinhi, tsru himwatshriko pnute renekko. Hiyrun-koxa hike mwikatu seyo rimwalerujiji hkonko.

Lucas 9:44

— Hi xako hamtakanru xye tokantshi ntshinyahi. Jeji Whene tshinkaluru yine renekko.

João 15:2

Ptowruka hita hwatshri plukaka masahitu Hoyakalu kastakanru. Hiyrun-koxa ptowru plukaka kasahiru wale hihletlu hsahiwpotuxyawakapa.

Atos 10:33

Hiyáhoni waneklukawa nyokanrewata pix-yehi. Kihleyi pixa punyawaka. Xawakni hixa ptowrunekwu hapatjetatshinwu hewi Hoyakalu hetanuya, wkahwakachatlu wyijnakoxyawaklu Tsru Hixikatshriwa Hoyakalu hinkaklewjixatkayi.

Atos 17:11

Wane hajene Tessalônica hajene yohnika himatkaleruni hiyrunu ruslahpotutluna tokantshi. Ptowru hohnekaka ruchtotatna Hoyakalu pirana yonatkaluru rimaxyawakapluna ho halikaklahe xye pirana ho hike.

Romanos 12:3

Renekachale Hoyakalu hihlenu Hoyakalu henekachaxyano tshinanu, wla ntshina hixa satkakhi tshinanupa: Hi hkahwajinwa pimrine yohnik-hihlenhi hixyawaka. Seyni halixlewlu Hoyakalu henekachaleyma hyahoxinwa hanu hixatshinhi.

1 Coríntios 14:37

Satu yineru Hoyakalu tokanu hinkakletatshri rikahwajinipwa hiyrun-koxa Hoyakalu Hiwejikaluru himwatshri rixahoxinipwa, rimathetanru xye nyonaxyawaka pirana waleni Hoyakalu yokanreru piranni.

1 Coríntios 3:18

Hike yokwijexinwa. Satkaka jimatkaleru rikahwajinipwa, yine himatkaleya rujhalu mimatkatu rixyawaka yineru himatkaleya halikaka jimatkaler-potu rixyawakapa.

1 Coríntios 8:2

Ho satu kahwajnawa pa hixanu rimata hike rimata rumukata himatletanrukmaka.

Filipenses 3:4

Seynimka hit-koxa himukata munanhaletlu nomane tsonu. Pimrinemka kahwajinwa rimwiywakluna satu pa hixanu hmunanhamanexnawakwa ha hitamka wane yohnik-hixa munanhalmanexinwa.

Hebreus 2:1

Hiyáhoni wujhalu wuslahpotuxyawaklu halikaka pirana wjemanru, xekoyaka wma pupjexyawakanuplu xyekaka pirana.