Lucas 8:15 - Bíblia

¹⁵ Seyni halikaka kihle tshijiwaka hapoktatajitatshine, wannani potuk-hajirune, kihle hajirune. Hyijnakotluna tokantshi. Romkahitluna hjemlerna. Hmachiretleymana hjiwatanutkana.

Lucas 8:15 ပူးပေါင်းရင်းမြစ်များ

Mateus 24:13

Seyni poyehitahchinikanutatshri haté hmahle papko, riwekanu.

Lucas 11:28

Seyni Jesus wan-tshina: — Hehe, seyni hihlewahchinikanyehitkalun-potu ptowruneka Hoyakalu tokanu jematshine hiyrun-koxa romkah-tokanutjene.

Lucas 6:45

Waneko pixka rixa yineru. Yineru kihleru raj-koxa rimrexyalu kihleru, kihlekakalu kochpakjexikowakaya. Yineru hektutu hichinikanretatshri, rimretawakle hektutu, hektutkaka wane hkochpakjexya. Namtshi yanumaxyalu hix-potu raji hajeru.

Lucas 8:14

Kona yehi hapoktatajitatshine, wanna Hoyakalu tokanu jematshine pixkalune. Seyni kojwakahchinikanrukaka, ho pohirewnalu, ho poyikowlukaka xye hohne hexikaluru mixkowpotuta waneya xekoyaka hkakmokannatkalu. Hiyáhoni hi hjiwatanatkana.

Lucas 8:16

— Hike yineru lamparina nikotatshri hachhaji hpuko hitakanro. Hi hijeko hpukoko rutakanro. Seyni kihlero halikaka lamparina kihle nikotle tixyawaka tutajikowaka, ptowru yineru hapkathojixyawakapa tnikotle tshinanu.

João 14:15

Hamoxinipno, ntowuxyahi hkamhanu.

João 15:10

Ntowuxyahi homkahixini hi nutuk-hichiniklethi. Nuru Hoyakalu tokanu nomkahjexyawaka pixka. Hiyáhoni hi rutuk-hichinikletno.

Romanos 2:7

Hoyakalu heneklewatanu riwejinri hikeklu hohne mnikawnakatupa hanunektako hi hituka kihleru kamhaleta hiyrunu Hoyakalu hpoyikoxyawakna hijhatshine. Hoyakalu honra rumuwkakpiratna hiyrunu riwejinrina mnikawnakatuko hijhatshine.

Romanos 6:22

Seyni xawakni Hoyakalu kochpakatkahi hektuntshi mtowuxyawakanutkahi. Hiyáhoni hixa kayatatkalu hiwejikaluru hikeklu hohne mnikawnakatupa.

Romanos 7:18

Klu tshinanu nimatlu hita hitokote hikeni kihleru, walekni, nomane hi rawa kihleru. Klu tshinanu hitamka haluka kihleru nkamhiywaka seyni hi nkamhalu.

Romanos 7:4

Cristo tshinanu nmoletanune, waneko pixka hixahotka, hipnahoxiniklunwa hix-nanuko hiyáhoni hixa hichpajyatkalu Moisés yonreru towuxyawakhi Cristo mane tshinanu. Wan-hixatka satunuko hixinripatka, waleni hipuktshi tskala hichpajikatshritka hiyáhoni wumukata Hoyakalu halujyawaka kamhalexyawakpatka.

Romanos 8:25

Seyni wma metkanuklunru wkahwakachaleru, wkahwakachatanru.

1 Coríntios 7:19

Jiprojhaptojru hike repixa Hoyakalu hetanuya hiyrun-koxa hma jiprojhaptojimtatkanuklunu yineru hike repixa Hoyakalu hetanuya. Hepixlewatatshri potni Hoyakalu yokanatanru homkahixikolu.

Efésios 2:8

Klu tshinanu Hoyakalu himukatle reneklewle hiwekkakatkahi Jesus halixikowaka tshinanni. Hiyrunu hi hixako wuhlenu tshinanu riwekkakwu seyni Hoyakalu henekachale tshinanu tsonu wiweka.

Filipenses 1:11

Waneya hixa hiwejinri katsepopatkalu ptowru chinikantshi kihleru, Jesus Cristo tsonu hakanikleru, ralixkoxikolupa hiyrunu rimalwuxikolupa Hoyakalu.

Colossenses 1:10

Waneyakni hixa himukata kamhaletanru Hoyakalu halujyawaka hiyrun-koxa Hitsrukate Hoyakalu hiwaka himalwutko hixa hixjexyawaka tshinanu. Tseruwnatshinephi ptowru potuko kamrurtshi kihleruya hiyrunu tseruwnatshinephi Hoyakalu himatyehipotuxyawaka.

Colossenses 1:6

Xye tokantshi hix-yehi hapokatshritka ptowru tshijne hapokatshritkani. Xye tokantshi ptowru yineru tserutahchinikanutatshrini, hix-koxa htserutahchinikanjeta himatjeminixkalu Hoyakalu hihlenu hixa tshinanu halikak-potu piranaya heyijnaklekananuko haté xawakni.

Hebreus 10:36

Seyni hijhalu hmachiretannu waneya Hoyakalu halujyawaka hali kamhalexinipa hyoptotanru runkaklexya piranhi.

Hebreus 2:1

Hiyáhoni wujhalu wuslahpotuxyawaklu halikaka pirana wjemanru, xekoyaka wma pupjexyawakanuplu xyekaka pirana.

Tiago 1:4

Seyni hi hchiretanu seyni hkahwakachatanru chinikantshi hihletatshri kamrure. Wan-hixatshinephi hike mmahaxikane hixinripa, poyahokakatshinephi. Hike hma mahaxyawakanupa.

1 João 2:3

Hoyakalu yokanre wkamhiniklunu waneya wimatlu Hoyakalu halikaka wimata.