Lucas 8:13 - Bíblia

¹³ Sotlu hanikajite hiknokkalune wannani tokantshi jematshine. Tokantshi hjeminixkana hyoptotmakluna tsru rumuwleymana. Seyni hi waneyna hitskina wanna. Hiyáhoni pchini tsonu halixatshinepni. Runinipa yahtaletlewlu ramtakanruna tokantshi hjemlerna.

Lucas 8:13 ပူးပေါင်းရင်းမြစ်များ

Marcos 6:20

klu tshinanu Herodes kahwakpiratniru João-ni. Rimatlu wale jejni kihlehchinikanurni, powrahchinikanurni. Hiyáhoni rinotniru João-ni. Waneya hjeminixniru João-ni hi rimatahchinikanuta seyni hyijnakotniru ruhlenuhchinikanuyma.

Lucas 8:12

Hatnu hapostsi hapoktatajitatshri yaholni tokantshi jematshine. Seyni runa Satanás kamtshi. Hkonyana tokantshi rajiyna hitakkaluru hma malixyawakanupluna, hma miwekkajikowakanupna.

Lucas 8:14

Kona yehi hapoktatajitatshine, wanna Hoyakalu tokanu jematshine pixkalune. Seyni kojwakahchinikanrukaka, ho pohirewnalu, ho poyikowlukaka xye hohne hexikaluru mixkowpotuta waneya xekoyaka hkakmokannatkalu. Hiyáhoni hi hjiwatanatkana.

João 15:2

Ptowruka hita hwatshri plukaka masahitu Hoyakalu kastakanru. Hiyrun-koxa ptowru plukaka kasahiru wale hihletlu hsahiwpotuxyawakapa.

João 15:6

Katukta hi himwano, hiplu hiknokkaluru pixkalutupni. Riprihanu hiplu hiyáhoni rapatjetka yineya waneya tshitshmero ruknokkana. Hyoxikka hiplu.

João 5:35

Nikotapi nikotle tsrur-potuko pixka rixatka João. Hixa hijhatkalu pchini tsonu himuwpotuxyawaka xye hnikotle tshinanu.

1 Coríntios 13:2

Hoyakalu tokanu numukata hinkakletletkamka hiyrun-koxa nimatkamkalu ptowru piranako yohimatkaluru pirana hiyrun-koxa ptowru potuko himatkalewlu pirana nimatkamka, hiyrun-koxa nalixle pixkonu tshinanu haté teno mriji numukata yokmanjixleta seyni nma muchinikanretkanukluna nimwastsirene waneya hikepno hita.

1 Coríntios 15:2

Wale pirana koxa hiwekkakhi, hixa himrexinri kihler-potuko tokantshi nunkaklewyehixyatkahi. Ho hmahijeru halixlexini tsonni.

Gálatas 3:1

Gálatas poktshi hajene mchinikanunhi, kathe yokchathi halikak-potuk-tokantshi hmajnakowyehixyawaka? Hanhe himukata wan-hixleta, hixa Jesus Cristo pirana phujewak-potukomka hiphujewnayehithi, cruz hixa tshinanu rupniywaka pirana?

Gálatas 3:4

Hixlahe ptowruko mahijeru salewnakaklechathi? Halikaka hike mkochpakkatu rixkamka?

Efésios 3:17

Nanjitkoxlu hixa halixle tshinanu, Cristo himukata hwahajretanhi. Hiyrun-koxa nanjitlu ruchiniklewle hmixkoxyawakaphi hiyrun-koxa hpoyehiwkajyawakaphi,

Colossenses 1:23

Halikakni hixa halixle hijhalu poyehiru hoho rutajikowaka, hma kowchojikowakanupa hixa halixle. Hi hitneprikkajinwa kahwakachaluya kihle piranalu potuko hiwekkaklewatatshri pirana hyijnakotanrutka xye tshijne psoluka yapiranatatshrini. Hitni Paulo-no xye pirana jinkakletaklerno.

Colossenses 2:7

Poyehirunephi Cristo-ya. Cristo hoho panawaxikatshine pixkalunephi. Halixlewlu pirana homkahpotutatshinephi. Xye ptowruka hasrukkatka hiyáhoni Cristo tshinanu htseruwna poyahnuwletanu.

1 Tessalonicenses 3:5

Hiyáhoni wale tshinanu nmakotahchinikanutkan-tshinanu Timóteo nyokananwakathi hixa halixle pirana nimatyehixyawakapa. Nimaxyawakaplu ho kamtshi kyahtalewakleru yahtaletatkahi xawaka ho wmahijeru kamrurewletatkahe hixa tshinanu.

1 Timóteo 1:19

Hiyrun-koxa pmunanha halixletanu. Powra hchinikanhohnekananupyi. Satkaka yineru hi homkahitanatkalu hihchinikanni kihleru hekhitatshrini hiyahokni hnikata halixletanatkana.

Hebreus 10:39

Halikaka hixa hi satkapatshine pixka wixanu, wamtajyawakaplu hiweklu. Seyni hixa Cristo halixatshinwu hiwejikowaka wwiya.

Tiago 2:26

Hiyáhoni yineru mane riwejinri mwaknuklunu hipnatshritkani waneko pixka rixa halixlu. Kihleru kamhalu mwaknuklunu, hipnatshritkani halixlu.

2 Pedro 2:20

Klu tshinanu xye tshijne hchinikanu himtuklewatatshri rali hasuklexyatkana, Hiwekkaklewatatshri Wutsrukate Jesus Cristo himathetle tshinanuya. Waneya wane pnute hsatojyawakapna, hkachixikowakpatnakna hnikawnalepa reyinuwakle yohnik-hektunuplu.

2 Pedro 2:22

Seyni wan-rixkana yapkaklu halikakalutu tshinyawaka pixka. Wla htshina: “Kawe satokanwakatlu waleko raplire.” “Porco koxa katkaluru satokanwakatlu posujpalu rupruruxyawakaplu.”

1 João 2:19

Hix-yehi ruchpakamxyana seyni hi wepirene rixjekanatna klu tshinanu wepirene rixkamkana hi ruchotatkawuna. Seyni ruchotatkawuna rimathetkanna halikaka wepirene hmixyawakanna.

Judas 1:12

Hapatje niklexini hichiniklewlu tshinanu seyni nyi jejine himtuka hapatjejrethi. Hpoyikowatna hma patnuymana, wanna nanwaka tsonu hijha nijituxnawa tsru niklu yehiya. Hohimkohi minnewapiratkatuko, ptowru sretako kanniphalu hanikachaleru pixkalunni wanna. Hahmuna hitshipnatshritka, hisahi klu papko msahiwatkatutka pixkalunni. Hepi kata hipnatshine, hahmunni hitskihi potuko hoplijikaluru pixkalunni.