11 — Xyeni yapkaklu. Hitataji Hoyakalu tokanni.
— Hyijnakotanu himatjemyawakaplu yapkaklu jiplaljekleru pirana.
Hatnu hapostsi hapoktatajitatshri yaholni Hoyakalu pohirewaxyawaka pirana jematshri. Hjemmaka seyni hi rimatjemlu. Waneya runa Satanás kamtshi hkonyawakaplu Hoyakalu tokanu raji hitakkaluru.
Waneya repomhana Jesus: — Hma mimatkanuklunru xye yapkaklu, hanu hixa himatletanru ptowruko yapkaklu?
Hatnu hapostsi hapoktatajitatshri yaholni tokantshi jematshine. Seyni runa Satanás kamtshi. Hkonyana tokantshi rajiyna hitakkaluru hma malixyawakanupluna, hma miwekkajikowakanupna.
Hiyáhoni hiknokanru ptowru hixatshri hektutu himtuklewatatshri hiyrun-koxa ptowru hixatshri hektuntshi hiknokanu. Seyni hmasaxinwa hyoptoxyawakaplu Hoyakalu tokanu, hix-haji hitakkalurutka. Klu tshinanu wale himukata hiwekkakletanru hixa hiwejinri.
