Lucas 7:8 - Bíblia

⁸ Klu tshinanu hit-koxa k-chefe-tno, towutkalurno. Wanepnawaka soldado-ne ntowuta. Satu wane ntshina, “pyanutka”, hiyáhoni hya. Satutnaka wane ntshinru, “puna”, hiyáhoni runanwakatno. Ntowreru koxa wane ntshininri, “xye pkamhanu”, hkamhanru.

Lucas 7:8 ပူးပေါင်းရင်းမြစ်များ

Lucas 7:7

Hiyrun-koxa hi tsru hixikatshriwano pixa niynumsaxyawaka. Seyni pyanumanwakachatanru, ntowreru hitskalhanu.

Lucas 7:9

Waneya xye pirana hjemini Jesus, rimyeka. Waneya ruprotakyehitatkana hixolune yine romkahikanatjene. Wane htshinatkana: — Halikaka wane ntshinhi israel-nerune tskalaya hi nexyalu xye pixkalutu halixlu.

Atos 23:17

Hiyáhoni Paulo tomhalu satu soldado kosekatshri, wane htshinru: — Panikanru xako xye makluji soldado-ne pohire nwaka klu tshinanu rawya pa pirana runkakletlerupa.

Atos 23:23

Waneya soldado pohire tomhana hepi soldado kosekatshine waneya wan-rixa towutletna: — Halpokotanna duzentos soldado-ne Paulo ruslahyawakapna, setenta cavalo yapatshine koxa duzentos yohlolewapi hanikatshine koxa waneya xye yetshno nove hora rixini Cesareia nwaka hyanutka.

Atos 23:26

“Hita, Cláudio Lísias-no, yonanwakatyi kchinikanuru governador Félix. Nalikyi.

Atos 23:31

Waneya soldado-ne hwapatkalu Paulo, rixa towutlexikowakna, hoyetshno ranikatkaluna Antipátride poktshi nwaka.

Atos 24:23

Waneya Félix satu soldado-ne pohire towuta Paulo rinoxyawaka seyni hi rostujixpotutatkalu haté rimatletlene himukata hanikanwakletlu hmahaxinri.

Atos 25:26

Seyni hi nimata hanhe nixa yonreyehitanru Paulo tshinanu César nwaka nyokanreru. Hiyáhoni hewi nanikatkalu hix-yehiya, pix-yehiya potuko phuru Agripa pepomsaxyawaklu waneya numukata pa pirana yonrexinri.

Colossenses 3:22

Towrertshine xako yijnakotanna htowutjene xye tshijne hajene ptowru potuko hjemlerna. Hi htowutjene hetanu tsonu kajnakophi hyokwijechaxyawaka tshinanupna. Seyni psoluka hihchinikanu mixkonuyma hkamhanru Hoyakalu halujyawaka, Hoyakalu kahwakpirlu tshinanu.