Lucas 7:47 - Bíblia

⁴⁷ Hiyáhoni wane ntshinyi, hixo tektunu tuknojikatka. Hiyáhoni tamotpotutno. Klu tshinanu wla rixa, psotsonu hiknojikaluru psotsonu ramotlewaxya.

Lucas 7:47 ပူးပေါင်းရင်းမြစ်များ

Mateus 10:37

— Katukta hi ramotno hita ruru ho runro pnute, hi rumukata nasrukleru hixleta. Katukta hi hamotno hita hituru ho richitsho pnute hi rumukata nasrukleru hixleta.

Lucas 7:39

Waneya xye rexini fariseu-ne, wla htshinahchinikanuta: “Xye jeji Hoyakalu tokanu hinkakletatshri rixkamka, rimathetanmaklo katni twu suxo hanu hixatshropotni hkamrukjero. Hektutu kamhakleroni.”

Lucas 7:46

Hi nhihtshihako puyokjiwutno seyni twu suxo phamluhalo tuyokjixitno.

Lucas 7:48

Waneya wane htshinatkalo: — Pektunu puknojikatka.

Atos 5:31

Seyni Hoyakalu hitaklu Jesus hpotukle sreta Tsru Hixikatshriwa rixyawakapa yine hiwekkakatshri rixyawakapa. Renejyawakna judeu-ne rehchinikanuxyawakapna hiyrunu rektunna ruknojyawakapna.

Romanos 5:20

Moisés yonreru hakanhatka rekhixyawaklu hektuntshi hektupotuko rixyawaka. Seyni hektuntshi hallikanaxinixka Hoyakalu hiknojyawaklu hektuntshi koxa mixkowatatka.

2 Coríntios 5:14

Klu tshinanu Cristo hichinijyawakwu tshinanu wihchinikanu hkoseta. Klu tshinanu wimatlu satupka yineru hipnatka ptowrunek-yine tshinanu. Hiyáhoni hatatjewa ptowrunekwu hipnatka waleyma.

Gálatas 5:6

Klu tshinanu Jesus Cristo hetanu hi jiprojhikatshrikwa himukatlu, hi mjiprojhikatukwa yineru himukatlu. Seyni halixlu hichiniklewluyma halikaka himukatatshri potukni.

Efésios 6:24

Hiyrun-koxa nanjitlu Hoyakalu, Hoyakalu hihlenu renekachale renejyawakaphi hixa ptowrunekhi Wutsrukate Jesus Cristo hichinikhohnekanatatshinephi.

Filipenses 1:9

Nanjitlu Hoyakalu hixa himukata pnute hya hichinikanretlexyawakaplu himatkalewlu halikakalutuya hiyrun-koxa psoluka himathetlewluya,

1 Timóteo 1:14

Seyni Hoyakalu hihlenu reneklewle renekpotuthonukno. Hiyrunu Hoyakalu hihlenu reneklewleyma renekno halixlewlu hiyrun-koxa hamotlewlu Cristo Jesus himwaleru.

1 João 1:7

Katawaka wyaniniklunu wale pixka, hixa hatajnutatshinepwu pa hchinikanurukakatshinepwu hiyrunu Hituru Jesus hraha powratjetwu ptowru hektuntshi tshinanu.

1 João 3:18

Nowhenene pixkalune, hi wtokanu tsonu ho winru tsonu hichinikkajini seyni wuchinikkakanu wkamrureya hiyrunu halikakalutuyma.

1 João 4:19

Wamotlu Hoyakalu klu tshinanu wale hapka hamotatkawu hixa.

1 João 5:3

Klu tshinanu wkamhiniklunru Hoyakalu towuxyawu wekhitlu Hoyakalu wamota. Hiyrunu tokantshi htowuxyawu hi kyapreru womkahixyawaklu.