Lucas 7:40 - Bíblia

⁴⁰ Waneya Jesus wan-tshinru fariseu-ne: — Simão, pa pirana naluk-hinkakletanyi. Waneya Simão wan-tshinru: — Hehe, kasruklewakleru.

Lucas 7:40 ပူးပေါင်းရင်းမြစ်များ

Mateus 26:49

Waneya Judas hajeyri hapokastsitlu Jesus waneya wla htshinru: — Hali, kasruklewakleru! Waneya ramlutlu.

Mateus 7:22

Hapnokaxikolu hohnepa hixo yine wla htshinanno: “Wutsrukate, Wutsrukate, hi he Hoyakalu tokanu wunkakletatka pixa hiwakaya? Hi he kamtshi wuknokatka pixa hiwaka tshinanu? Hi he hixo hetkalurkaka wkamhatka?”

Lucas 18:18

Waneya satu judeu tsrukakalu hepomhaplu Jesus, wla htshina: — Kasruklewakleru kihleru, klunerhe nkamhanu niwejinri hikeklu hohne nma nikawniywakanupa?

Lucas 5:22

Seyni Jesus himathetahchinikanutna hiyáhoni ruhitna, wane htshinatkana: — Klu tshinanhe wan-hixahchinikanuta xyekaka hektutu hichinikanrethajixyawaka?

Lucas 5:31

Waneya Jesus wan-tshinna: — Pomtalune hi haluklu kpinrewakleru seyni katshinomtalu haluklu.

Lucas 6:8

Seyni rimatatka Jesus klu ruchinikanretna. Hiyáhoni wale tshinanu wla htshinatkalu jeji hiprihamyotatshri: — Pyopkakanutshi, hewi hixa hanikajiteya potuko pyotunoxini, — htshinru. Waneya hpalnatka jeji, hyotunotatka.

Lucas 7:39

Waneya xye rexini fariseu-ne, wla htshinahchinikanuta: “Xye jeji Hoyakalu tokanu hinkakletatshri rixkamka, rimathetanmaklo katni twu suxo hanu hixatshropotni hkamrukjero. Hektutu kamhakleroni.”

Lucas 7:41

Jesus wan-tshinru: — Rawna hepi jejine deve-tatshine. Satu jeji tiyiro hikchiklewjexikatshri h-deve-tna. Satu quinhentos tiyiro proji h-deve-kanata, satu cinquenta tiyiro proji h-deve-ta.

João 13:13

Hixa wan-tshinjetno, Kasruklewakleru ho Tsru Hixikatshriwa htshinno. Kihleru, wane potuko htshinno klu tshinanu halikakni, wan-hixatshrino.

João 16:19

Seyni rimata Jesus xye pirana raluk-hepomhaletluna hiyáhoni wla htshinatkana: — Hixlahe hepomhakaka hixkakluko klu ntshinatkahi xye hima tshinanu, Xekoyakapa hi hetanno seyni howukchiniyaka hetanutnakno?

João 16:30

— Ha xawakni wimatyi pixa ptowru potuko himatatshriyi. Hi rujhalu yine hepomhiywakyi. Hiyáhoni walixyi Hoyakalu yokanreryi pixyawaka.

João 3:2

Waneya hoyetshno Nicodemos yanwakatlu Jesus waneya wane htshinru: — Tsru Hixikatshriwa, wimatyi pixa kasruklewakleryi, Hoyakalu yokanreryi klu tshinanu hike yineru himukata kamhaletlu nyi hiyakolukaka pkamhajereru Hoyakalu mimotsatanune.