Lucas 7:37 - Bíblia

³⁷ Waneya wale poktshi koxa twa sato suxo hektutu kamhaklero. Waneya timaxinixka Jesus fariseu-ne-pji rukoluhinixka nikawakakwa pa stono phamluhalo yehi tanika.

Lucas 7:37 ပူးပေါင်းရင်းမြစ်များ

Mateus 21:31

Waneya Jesus hepomhana tsru hixikatshinwa sacerdote-ne hiyrunu judeu-ne tsru hixikatshinwa, wla htshinna: — Hanurhe kamhalu ruru halujyawaka? Waneya wla htshinruna: — Hituru tsrujru. Hiyáhoni Jesus wla tshinna: — Jijhawenruklerune hiyrun-koxa kapoklewaklerone Hoyakalu pohirewaxyawaka jihlokanu hixa hkosejinna.

Lucas 18:13

— Seyni tiyiro kyoptokleru howuka hyotunoxyatka, hi tenoko hyihatatka. Seyni rutpestaxnawa wane htshina: “Ha, Tsru Hixikatshriwa Hoyakalu, petwamonutanno hitni hektuwaka kamhatshrino!”

Lucas 19:7

Seyni pimrine hetakanatatshine kahemha. Wla htshinna: — Hektutu kamhatshripji rawanu.

Lucas 5:30

Seyni fariseu-ne hiyrun-koxa kasruklewaklerune hinanchitkaluru pirana hasruklewatatshine kahemhayehitna Jesus hasruklene. Wla htshinna: — Kluneru tshinanhe wannayma hnika, rura wanna jijhawenruklerune, hektuneyma?

Lucas 5:32

Klu tshinanu hi nuna ntshanixyawakapna kihlerune seyni hektune ntshanixyawaka rehchinikanuxyawakapna.

Lucas 7:34

Runa Jeji Whene tshinkaluru. Hnika, rura. Seyni hixa wan-tshina: “Haha hetanu, xye jeji tsru nikalu, vinho-ha jirakleru. Jijhawenruklerune hiyrun-koxa majnakowatatshine rimatleta.”

Lucas 7:36

Satu fariseu-ne tshanixlu Jesus waleyma hnikapyawakapa. Waneya Jesus yatka fariseu-ne-pji nwaka. Waneya nikawaka htuplata.

João 11:2

(Twu Maria, yeyixatshri Lázaro mole, honra suxo phamluhalo tuyokjixitlu Jesus Tsru Hixikatshriwa jixi hiyrunu Jesus tojiwu chehi tcheyijixixya.)

João 9:24

Waneya mayhaletukananu htomhatnakna waneya wla htshinruna: — Hoyakalu tsonu himalwutanu klu tshinanu wimathetlu putskalakjeru ptshinreru hektuwaka kamhatshrikni wale.

João 9:31

Ha, wimatlu Hoyakalu hi repixna hektune. Seyni Hoyakalu homkahitatshri hanuruktako yineru hiyrunu ralujyawaka kamhatshri hanuruktako yineru repixa halikaka.

Romanos 5:8

Seyni Hoyakalu wla rixa hekhiretlu hi pa hamotlekananu rixwu klu tshinanu hektune wixakanaxiniwa Cristo hipnapa hixa kachrijru.

1 Timóteo 1:15

Xye ntshinreru halikakni hiyáhoni rujhalu ralixkoxikowaka psolu hchinikanuymako: Cristo Jesus xye tshijne hinpatka hektune riwekkajyawakapa. Hiyrunu wanna ptowruneka hektune pnuterutno hita.

1 Timóteo 1:9

Hiyrun-koxa wimatlu Moisés yonreru hi hyokanatka kajnakolune tshinanu. Seyni yonruru henekka hektutu kamhatshine hiyrunu majnakowpiratatshine tshinanu, Hoyakalu momkahitkane tshinanu hiyrunu hektune tshinanu hyokanatka; mpowra hchinikanune tshinanu, malixkane tshinanu, jiylahiruklerune tshinanu, jiylahinroklerune tshinanu, yineru jiylaklerune tshinanu hyokanatka yonruru pirana.

1 Pedro 4:18

Hiyrunu potukaluneko kyapreru riwekkajikowakna, ha hi pso yaprenukananru riwekkajikowakapna Hoyakalu malixkane, hektuntshi kkamhaklerune?