Lucas 7:2 - Bíblia

² Wanekananru satu soldado-ne pohire. Htowreru ramotanru potu yeyixa. Rupnakastsitkani.

Lucas 7:2 ပူးပေါင်းရင်းမြစ်များ

Gênesis 24:27

Wla htshina himalwuretlu: — Kchinikanurni Tsru Hixikatshriwa Hoyakalu nutsrukate Abraão Hoyakalute. Pixa pepixle hiyrun-koxa ppotuknu hi pkonyalu nutsrukate Abraão. Hiyrun-koxa hita ranikno Tsru Hixikatshriwa Hoyakalu nutsrukate Abraão molene nwaka potuko yahapotatshri ranikatkano.

Gênesis 35:8

Wanekni Débora tshinkalúroni, Rebeca towreroni hipniyanatka. Wanekni Betel tshinikowaka tkapnanatkana Carvalho muna hmana. Tkapnaxikowakana hiwakni Alom-Bacute.

Mateus 27:54

Waneya romano-neru soldado-ne pohire hiyrun-koxa Jesus hislahatshine waleymalune tshiji hiyolikle hiyrunu ptowru hiknohatshri rexinixkaluna, rimyekahchinikanutna, waneya wla htshinna: — Halikakni xye jeji honnira Hoyakalu whene.

Lucas 23:47

Waneya romano-neru soldado-ne pohire rexinixkalu, wan-rixikowaka Jesus-ni, Hoyakalu rimalwutatka, wla htshina: — Halikakni xye jeji honnira, jeji potukalni.

Lucas 7:1

Waneya rali wan-tshinretna yine xye pirana ptowruka Jesus, Cafarnaum poktshi nwaka hyatka.

Lucas 7:3

Waneya hjempiranyehixiniplu Jesus, satkaka tsrukakalune judeu-ne hyokanata Jesus nwaka. Jesus htshanixakjixna runanwakaxiniplu rutskalajyawakaplu htowreru.

Lucas 8:42

klu tshinanu richitsho, satopkaluto, doze mhaleruto, tupnakastsitkani. Waneya Jairo-pji hyakananumxiniwa Jesus hixolune yine hipxakjemtlu.

Atos 10:1

Cesareia poktshi rawakanata satu jeji Cornélio hiwakatletatshri. Xye romano soldado-ne pohire italiano tshinkalune.

Atos 10:7

Waneya hyinixka hiwejikaluru Hoyakalu towreru tenhohne hichpajikatshri, Cornélio hiynumsatatshri, htomhatkana hepi htowrene hiyrun-koxa htomhalu satu soldado kahchinikanuru.

Atos 22:26

Waneya xye hjeminixka soldado-ne pohire, hyatka soldado-ne pohire runkakapa, wane htshinru: — Pimatluhe klu pkamhinri? Xye jeji romano-nerni.

Atos 23:17

Hiyáhoni Paulo tomhalu satu soldado kosekatshri, wane htshinru: — Panikanru xako xye makluji soldado-ne pohire nwaka klu tshinanu rawya pa pirana runkakletlerupa.

Atos 27:1

Waneya wale nuretkatka Itália tshijne wyiywakapa. Satu soldado-ne pohire hiwakni Júlio, waleni psol-tshijne hislahatshine towutatshrikni wale. Hiyáhoni wale henekkatka Paulo hiyrunu pimrine preso hajene ruslahyawakpatka.

Atos 27:3

Wale prikatkani Sidom yopjewakle wapokatka. Júlio hihle hislahletlu Paulo hiyáhoni ritshitlu Paulo retapyawakapna rimatletlene hmahaxinri hyoptoxyawakapa.

Atos 27:43

Seyni soldado-ne pohire Júlio tshinkaluru haluk-hiwekkakletlu Paulo hiyáhoni hi ritshitna soldado-ne hostutkalune ruylaxyawakna. Waneya hyokanatatkana himat-hanokatshine hapka rujrukhaxyawakna tshiji rapojyawakapna.

Colossenses 3:22

Towrertshine xako yijnakotanna htowutjene xye tshijne hajene ptowru potuko hjemlerna. Hi htowutjene hetanu tsonu kajnakophi hyokwijechaxyawaka tshinanupna. Seyni psoluka hihchinikanu mixkonuyma hkamhanru Hoyakalu halujyawaka, Hoyakalu kahwakpirlu tshinanu.