Lucas 7:16 - Bíblia

¹⁶ Waneyakni ptowru neruka pikatka, rimalwutluna Hoyakalu. Wla htshinatkana: — Tsru jinkaklewakleru rakanhayehikakatkawu Hoyakalu. Runa Hoyakalu hayinetene ruchokjixyawakapa.

Lucas 7:16 ပူးပေါင်းရင်းမြစ်များ

Mateus 15:31

Hixolune hetlu myanumatkanekananu yanumaxyawaka, hiyrunu myapenekananu kihletka, retna myankanekananu yanyawakatka hiyrun-koxa mayhalenekananu hetatka. Waneya xye rexinna, rimyekahchinikanutna, rimalwutatkaluna Israel Hoyakalute.

Mateus 21:11

Waneya hixolune rimotsane wla tshina: — Xyekni Jesus, Hoyakalu tokanu hinkakletatshrini Nazaré poktshi Galileia tshijne hajeru.

Mateus 28:8

Waneya yomletsh-yehi ruchpajyana suxone, hchiretna. Hpikmakna seyni rumuwahchinikanupotutkoxna. Rasukamtna rasruklerune runkakapyawakapna.

Mateus 9:8

Hixo yine hetakanatatshine pikatka. Rimalwutluna Hoyakalu klu tshinanu xye pixkalutu towuwlu renejyawakna yine.

Lucas 1:65

Waneyakni rimwastsitanune pikatkalu Hoyakalu. Hiyrun-koxa Judeia tshijne teno mrijiwakaya psoluchako hpohixikatka xye pirankaka.

Lucas 1:68

— Himalwutkaluru Tsru Hixikatshriwa israel-nerune Hoyakalute, klu tshinanu runatka, riwekkakatkana rayinetene.

Lucas 19:44

Hyotkakanyina hiyrun-koxa pixa hitokote hwatshinepni. Hi satukna sotlu hwahohokakanu klu tshinanu hi pimathetlu Hoyakalu hepixlepir-hohne.

Lucas 2:20

Waneya hsatokatkana hinotaprajetatshine. Waneya runkakletatkaluna. Rimalwutluna Hoyakalu ptowru piranako hyijnakotanruna, retanruna, htshinakanaxyawak-potuko rix-hetkatatkaluna.

Lucas 24:19

Waneya wale wan-tshinna: — Kluneru pirana? Waneya wanna wla tshinna: — Jesus-ni Nazaré poktshi hajerni pirana. Walenixkani jejni Hoyakalu tokanu hinkakletatshrini. Hiyrun-koxa ptowrunek-yine hetanuya kpixkonuru hkamrureya, htokanuy-koxa.

Lucas 5:26

Ptowruneka tsru himyeklu rixna. Tsru pikluyma rimalwutluna Hoyakalu. Wane htshinkakna: — Kluneru pixkalutu weta xawakni?

Lucas 5:8

Waneya xye rexinixka Simão Pedro, hyoptsojityehitlu Jesus. Waneya wane htshinru: — Tsru Hixikatshriwa hit-yehi pasujini klu tshinanu hitni jejno hektuntshi hwalerno.

Lucas 7:15

Waneya htuplata hipnapatshritka. Hyinuwaka yanumleta. Waneya runro renekka.

Lucas 7:39

Waneya xye rexini fariseu-ne, wla htshinahchinikanuta: “Xye jeji Hoyakalu tokanu hinkakletatshri rixkamka, rimathetanmaklo katni twu suxo hanu hixatshropotni hkamrukjero. Hektutu kamhakleroni.”

Lucas 8:37

Waneya hpikpotutatkana ptowrunek-yine Gerasa tshiji sreta hajene. Hiyáhoni ranjitluna Jesus wanna tshijne ruchpajyawakapa. Waneya kanawa hpokownatka Jesus. Waneya hsatokhonukatka ruchpakakanaxyawaka sreta.

Lucas 9:19

Waneya ruhitluna, wla htshinruna: — Satkaka yineru wan-tshina pixa João Batista-yi; satuko wan-tshina pixa Elias-yi; satuko wan-tshinyi pixa satu mitshikawni Hoyakalu tokanu hinkakletatshriyi, hiwejiklutnakyi.

João 1:21

Waneya repomhatkaluna: — Katpotyihe pixa? Elias tshinkalurlayihe? Waneya João hihitna, wla htshina: —Hike, hi waleno. Waneya repomhatnakna: — Hoyakalu tokanu hinkakletatshripotuklayhe? Seyni wla htshinatka João: — Hike.

João 1:25

Hiyáhoni repomhaluna, waneya wane htshinruna: — Cristo pmixkanuklunu ho Elias pmixkanuklunu ho Hoyakalu tokanu hinkakletatshri koxa pmixkanuklunu kluneru tshinanhe p-batiz-lewjeta?

João 4:19

Waneya wla ttshina suxo: — Xawakni nimatyi hinamtatshri pirana hinkakletatshrihetkoyi.

João 6:14

Waneya Jesus hiyákole hetakanatatshine wan-tshina: — Xyekni halikaka Hoyakalu tokanu hinkakletatshri xye tshijne hinatshripa.

João 9:17

Waneya wla htshinatnakluna mayhaletukananu: — Ha pixa hanu pixahotlu jeji piyhale himrekhakakatshri? Waneya wale wla tshinna: — Hoyakalu tokanu hinkakletatshrini wale.

Atos 5:5

Xye tokantshi hjeminixka Ananias waneya waneklukawa hyawnanatka rupnanatka. Hiyáhoni tsru piklu rixna jempiranyehitatshine ptowruneka.

Atos 7:37

Xyekni Moisés wan-tshinatkana israel-nerune: “Hoyakalu yokanatanru satu Hoyakalu tokanu hinkakletatshri hita pixka hixatshripni Hoyakalu yokanatanrupni. Hixako himolepni wale.”

Gálatas 1:24

Hiyahokni hita tshinanu Hoyakalu rimalwutna.