Lucas 7:13 - Bíblia

¹³ Tsru Hixikatshriwa Jesus hexinixkalo, retwamonpotutlo. Waneya wane htshinatkalo: — Hi ptshiyahatanu.

Lucas 7:13 ပူးပေါင်းရင်းမြစ်များ

Marcos 8:2

— Netwamonutna nyi yine. Map-hohne hitaymana hiyrunu malechayna hnikanruna.

Lucas 10:1

Waneya Tsru Hixikatshriwa Jesus setenta e dois jejine hnureta. Hyokanatna hepkaka hkosejyawakapna, ptowru poktshi hiyrunu ptowru tshijnekaka hyiywakapna, Jesus yapamxyawaka pejnupa.

Lucas 11:1

Waneyatnaka Jesus hanjihohnekanata. Rali hanjihohnerexini satu rasrukleru wla tshinru: — Tsru Hixikatshriwa Jesus, pasrukanwu wanjihohnexyawaka, hanu wtshinanu, João hasrujyawakna rasruklene pixka.

Lucas 11:39

Waneya Tsru Hixikatshriwa Jesus wan-tshinru: — Hixa fariseu-ne-nhi, herokalu copa stono prat-koxa maleka sreta tsonuya. Seyni hitoko hixa hinanwaka katsephi hahnanuwlu, hektuntshi koxa.

Lucas 12:42

Waneya Jesus wan-tshinru: — Katnihe towrertshi ptowutkolu, kahchinikanuru? Walepkani towrertshi rutakka htowutjerupji rinoxyawakapa hiyrunu pimrine towrertshine reneka niklexyawakapa niklu papkokaka.

Lucas 13:15

Seyni Tsru Hixikatshriwa Jesus wla tshinru: — Hixachatatshinhi, hi he hixa ptowrunekhi hipra boi ho burro hkochpiroka hapnanuxikalur-hohne hiyrunu hanikna maleka sreta honha rurapyawakapna pratshine?

Lucas 17:5

Waneya nuretkalune wla tshinru Jesus: — Tsru Hixikatshriwa, ptserut-halixletanwu.

Lucas 17:6

Waneya Jesus wla tshina: — Mostarda-tataji pso rixiniklunu halixle waneya himukata xye figueira muna wla tshinreta, mutakkotu muna, “Pkopkolijinwa. Mar powha putajinwa.” Waneyamka wane potuko rixanu.

Lucas 18:6

Tsru Hixikatshriwa Jesus wla tshin-koxa: — Hyijnakotanru klu htshina hetamayxaklerewatatshri mpomunanukotu.

Lucas 19:8

Waneya ptowru yine hetanu hyopkaka Zaqueu tshinkaluru. Waneya wla htshinru Tsru Hixikatshriwa Jesus: — Tsru Hixikatshriwa Jesus, petanu, hanikaji nimwaleru nenekanna hike mwikane. Hiyrun-koxa katuktako pa hixanu ntshowhuxya nyokwijreymalu, quatro kata pnute nsatkajinri.

Lucas 22:61

Waneya Tsru Hixikatshriwa Jesus heknokyehitlu Pedro. Waneya Pedro hichinkaplu Tsru Hixikatshriwa Jesus tokanu, htshinakanaxyawaklu: “Xawakni hma yanumatkanuklunuwa patlapa, pixa map-kata hi pimathetno ptshinanu.”

Lucas 24:3

Hjihlokyomletluna. Seyni hi rukchikmanetluna Tsru Hixikatshriwa Jesus-ni mane.

Lucas 24:34

Wane htshinjekanaxyawakna: — Hehe, halikakni, Tsru Hixikatshriwa Jesus hiwekatnaka! Simão tshinkaluru hetlu!

Lucas 7:12

Hiyáhoni poktshi jihlokawakle hiphaptotestsi rapokamtatkana, ruchpakakananumtna yomletshi nwaka yatshine. Hipnatshri ranikamtna. Waleni satupkalutnixkani toturni. Hipnahnurutatshroni wala. Hixolune yine poktshi hajene himotsamtlo.

Lucas 7:14

Waneya rapokastsitlu. Hkamruklu rukoluhamxyawakakwa hwatshri. Waneya htunwatna hipnatshri hanikakanatatshine. Waneya wane htshinru hipnatshri: — Makluji, pixa wane ntshina: Pyotunotanu!

Lucas 7:19

Hyokanatna Tsru Hixikatshriwa Jesus nwaka repomhiywakapluna: “Pixakatkalhe hinatshripyi tshinkaluryi ho satuklatshi wkahwakanu?”

Lucas 8:52

Wane pchinika ptowru yineru tshiyahata hsaplewjepotutna mturo pohwaka tshinanu. Seyni Jesus wan-tshinatkana: — Hituk-tshiyahletanutka. Mturo hi tupna seyni tumkachata.

João 11:2

(Twu Maria, yeyixatshri Lázaro mole, honra suxo phamluhalo tuyokjixitlu Jesus Tsru Hixikatshriwa jixi hiyrunu Jesus tojiwu chehi tcheyijixixya.)

João 11:3

Waneya Lázaro molerone hinkakjixlu Jesus: — Tsru Hixikatshriwa, pimatletleru pamotleru yeyixa!

João 20:13

Waneya repomhalona: — Suxo, kluhe pitshiyahjeta? Waneya tuhita, wla ttshinna: — Klu tshinanu hanukta ranikanruna Nutsrukatni, hi nimata hanukta rutakanatkaluna.

João 20:15

Waneya Jesus hepomhalo, wla htshinro: — Suxo, klu tshinanrahe ptshiyahata? Kathe pujha? Seyni wala hitaklucha hislahatshri tikahwaklu hiyáhoni wla ttshinru: — Hitsrukatshi, pixa hanijiniplu, punkakanno putajyawaklu waneya nwapanru.

João 4:1

Jesus hima João tshinkaluru yohnik-homkahitatshine rawya hiyrunu João yohnik-hima h-batiz-jeta Jesus. Waneya fariseu-ne jemlu xye pirana.

João 6:23

Waneya wane pchinika pimro kanawkaka Tiberíades poktshi hichpajikatshrokaka hapokastsitlu hixolune mitshi nijyawaklu pão Jesus hali poyahnutlexinixkalu, Hoyakalu mitshi.

1 Coríntios 7:30

Tshiyahatatshine mtshiyahatkane pixka rixanna. Ho himuwatatshine mpoyikowatkane pixka rixanna. Maronewatatshine malechayalune pixka rixanna.

1 Tessalonicenses 4:13

Cristo tshinanu nmoletanune, naluklu himatjemyawaklu hipnatshine pirana hanu potu rixna, hma wamonuwaxyawakanupa pimrine pixka, hike mkahwakane pixka, hmixyawakanupa.

Hebreus 2:17

Hiyahokni xye pirana tshinanu rujhalu ptowru himolene hixannu pixka rix-manexyawaka tsru sacerdote rixyawakapa. Wan-hixatshripnawaka jetwamonuklerni hiyrunu ptowru potuko kihle kamrureyalni Hoyakalu piranaya, yine hektunu ruknokkajinripa.

Hebreus 4:15

W-sacerdote-te, Tsru Sacerdote potuko himata hetwamonutwu wuhroklekaka tshinanu, klu tshinanu wale koxa yohnitkatka hixa yohnijexikolu pixka, seyni wale hikeklu hektuwatatka.