Lucas 6:8 - Bíblia

⁸ Seyni rimatatka Jesus klu ruchinikanretna. Hiyáhoni wale tshinanu wla htshinatkalu jeji hiprihamyotatshri: — Pyopkakanutshi, hewi hixa hanikajiteya potuko pyotunoxini, — htshinru. Waneya hpalnatka jeji, hyotunotatka.

Lucas 6:8 ပူးပေါင်းရင်းမြစ်များ

Mateus 9:4

Jesus himathetahchinikanutna waneya wane htshinna: — Klu tshinanhe wan-hixahchinikanuta xyekaka hektutu hichinikanrethajixyawaka?

Marcos 3:3

Waneya Jesus wan-tshinru jeji hiprihamyotatshri: — Yine hanikajite pyotunoxini.

Lucas 13:12

Waneya rexiniklunutkalo Jesus, htomhalo. Waneya wane htshinatkalo suxo: — Suxo, pyeyixale hichotanropyi.

Lucas 5:22

Seyni Jesus himathetahchinikanutna hiyáhoni ruhitna, wane htshinatkana: — Klu tshinanhe wan-hixahchinikanuta xyekaka hektutu hichinikanrethajixyawaka?

Lucas 6:9

Waneya Jesus hepomhatkana yine, wane htshin-hepomhaletna: — Hanu phuthe htshina yonawahlo hapnanuxikalur-hohne hiykole pirana? Kluhe kamhako hapnanuxikalur-hohne? Kihleru ho hektutu? Ho renek-hiweklerewatanu ho hkamaklewatanu hapnanuxikalur-hohne?

João 2:25

Hiyáhoni hi rujhatkalu satu yineru hasrujyawaklu hanu rixa yineru klu tshinanu rimatatkalu yineru hchinikanu hwatshri.

João 21:17

Waneya map-kata rixinri wla htshinru: — Simão, Jonas whene, puchiniknohe hita? Seyni Pedro wamonuwata klu tshinanu map-kata wla htshinru: “Puchiniknohe?” Hiyáhoni wla htshinru: — Nutsrukate ptowru potuko pimata, pimatlu nuchinikyi. Waneya Jesus wla tshinru: — Pohlutanna noprane carneiro-ne pixkalune.

João 9:4

Nujhalu nyokanatjeru halukanru nkamhiywaka, hohi rixka pchinika. Klu tshinanu hoyetshno hapokanu. Waneya hoyetshno rixinpatka hike kamrurewatanu.

Atos 20:24

Seyni hi namotlu niwekle. Hitaho hijhakalurni Hoyakalu kamrure nkamhiywakapa haté nnikaxyawakaplu nkamrure Tsru Hixikatshriwa Jesus henejyano. Xyekni nkamrure, nunkajyawakapna yine kihle piranalu potuko hiwekkaklewatatshri pirana, Hoyakalu hihlenu hixa tshinanu pirana.

Atos 26:26

Klu tshinanu Phuru Agripa, pimatlu xyekaka hiyáhoni numukata phujewaka hiynumsaletyi. Hita nkahwaklu pimatyehitlu xyekaka klu tshinanu hi kahnete poktshi kamhikalurni xye.

Filipenses 1:28

Hi psojikna hpikanna hkamnitjene. Seyni tsru hchinikanurunephi. Waneyakni rimathetanna ramtakanna halikaka seyni hixa hiknohatshinephi halikaka. Hiyrunu Hoyakalukni hixa hiknohkakjeru.

Hebreus 4:13

Hiketkani pa hixanu yohimatkaluru Hoyakalu hetanu. Ptowru potuko hiyakotkaluru hiphujetkaluru, muchyatkotni Hoyakalu yhaleya. Hoyakalu yehi wuphujexinwa hix-yinwu ptowruneka.

1 Pedro 4:1

Cristo salewniywaka himaneya hixa tshinanu. Wale tshinanu halpokoxinwa xye pixkalutu chinikantshiyma. Klu tshinanu hix-mane saletkoklunu hektuntshi ruchokaka.

Apocalipse 2:23

Wala whenene nuylatanu. Hiyáhoni ptowruka Cristo halixatshine hapatjexikowakkaka hajene himatanu hitakni yineru hchinikanu hiyrunu yineru haji hetjetatshrino. Hiyrunu hixa satkaka wenutko hkamrure wenru pso.