Lucas 6:7 - Bíblia

⁷ Waneya satkaka wane hwakanatatshine koxa fariseu-ne hiyrun-koxa pimrine kasruklewaklerune hinanchitkaluru pirana hasruklewatatshine ruslahpotukanatluna Jesus ho hapnanuxikalur-hohnerhe rutskalaklewatanu ho hike.

Lucas 6:7 ပူးပေါင်းရင်းမြစ်များ

Mateus 5:39

Seyni wla ntshinhi hixa: Hi hapnutanru hkamnitjeru. Satu yineru himpakhojixinipyi, pa sreta hoji koxa pumpakjixachatanu.

Marcos 3:2

Ruslahpotukanatluna Jesus ho hapnanuxikalur-hohnerhe rutskalaklewatanu ho hike hjihyehixyamkapluna.

Lucas 13:14

Seyni hanjihohnewakapji kosekatshri himtuwnahchinikanuta klu tshinanu Jesus pinrewata hapnanuxikalur-hohne waneya wla htshinna yine wane hapatjekanaxikatshine: — Waneru seis hohne rumukata kamrurewlexyawaka yineru. Hiyáhoni kamrurtshi hohnekaka hinanu hpinixikowaka hijhiywakapa seyni hapnanuxikalur-hohne hike.

Lucas 20:20

Hiyáhoni hyinuwaka hislahletluna. Hwenutluna satkaka yineru waneya hyokanatluna rumlukanta hepomhalexyawakapluna Jesus. Kihle hchinikanune rixahoxnawana Jesus rumlukanuxyawakna. Wan-hixatshri hkachitko wale tshijne tsrukakalutene renekko.

João 9:16

Waneya fariseu-ne wla tshina: — Ha wan-hixatshri jeji hi hetko Hoyakalu hichpajikatshrini klu tshinanu hi hkahwakpiratlu hapnanuxikalur-hohne. Seyni pimrine wla tshina: — Hanu xawakhe rumukata hektuwaka kamhatshri xye pixkalutu himyekaklewatatshri kamhaleta? Hiyáhoni hkotspalahchinikanutatkana yine.