Lucas 6:49 - Bíblia

⁴⁹ Seyni ntokanu yijnakochatatshri, hektuwaka kamhatshri, katuktako mchiko wakan-tshiji panawaxikatshri pixkalutu, mpoyehitkotupji kamhatshrini. Hyochkihamta honha. Waneyakni hyawnamtanatka pantshini. Tsru yawnalu rixana walepjini.

Lucas 6:49 ပူးပေါင်းရင်းမြစ်များ

Mateus 23:3

Hiyáhoni hixa yijnakotanna homkahitanna ptowru htshinyawakhina. Seyni hi wanna pixka hixanu klu tshinanu htowuxyawakna hi hkamhana wanna.

Mateus 24:10

Waneklu papkopa hixolune yine hiknoka halixletanu, yine kamnikakanu, rahkakakanna,

Marcos 4:17

Seyni hi waneyna hitskina wanna. Hiyáhoni pchini tsonu hwatshinepni. Runinipa yahtaletlewlu ramtakanruna tokantshi hjemlerna.

Lucas 12:47

— Hiyrun-koxa htowutjeru halukleru himatatshri seyni hma muhlepokotkanuklunru hkamrure hiyrunu hma kamhaknuklunru htowutjeru halukanru, hkotshipjetko hipokananu.

Lucas 19:14

— Seyni rawyawaka tshijne hajene hahnanutlu. Hiyáhoni hyokanatna wale hatjini tokantshi hanikatshine. Wla tshinatshine: “Hi walukyi pixa wwiywaka poktshi pohire pixyawaka.”

Lucas 19:27

Hiyrun-koxa nmalukjene hpohirna nmaluk-hixletjene hanikanna hewi. Hita hetanuko hiylatanna.”

Lucas 6:46

— Klu tshinanhe hixa wan-tshinno Nutsrukate, Nutsrukate, seyni hi hkamhajetlu ntokanu, ntshinyawakhi?

Lucas 6:48

Wan-hixatshri honra jeji kamhapjitatshri pixkalutni. Tshiji hjitota. Teno rixlu. Waneya sotlumta hoho potuko ripxakkaklu pantshi. Rapohamxinixka wenu, hyochkihamta. Seyni hi rumukata kowchiretlu klu tshinanu sotlu hoho hkamhika pantshi.

Lucas 7:1

Waneya rali wan-tshinretna yine xye pirana ptowruka Jesus, Cafarnaum poktshi nwaka hyatka.

João 15:2

Ptowruka hita hwatshri plukaka masahitu Hoyakalu kastakanru. Hiyrun-koxa ptowru plukaka kasahiru wale hihletlu hsahiwpotuxyawakapa.

Atos 20:29

Klu tshinanu nimata nuchpajinpatka pimrine hinanu hocha hajeru kmatsyiru pixka rixa hapokletanna, wannamka haluka nikatletlu Hoyakalu halixatshine hapatjetatshine.

Atos 26:11

Hix-hohne potuko napnokatatkana ptowru hanjihohnewakapjikakaya haté nyapretakatkana ralixlena ruchoxyawakna. Nahkatkana haté pa poktshikaka napkapa napnokaxyawakapna.

1 Tessalonicenses 3:5

Hiyáhoni wale tshinanu nmakotahchinikanutkan-tshinanu Timóteo nyokananwakathi hixa halixle pirana nimatyehixyawakapa. Nimaxyawakaplu ho kamtshi kyahtalewakleru yahtaletatkahi xawaka ho wmahijeru kamrurewletatkahe hixa tshinanu.

2 Pedro 2:20

Klu tshinanu xye tshijne hchinikanu himtuklewatatshri rali hasuklexyatkana, Hiwekkaklewatatshri Wutsrukate Jesus Cristo himathetle tshinanuya. Waneya wane pnute hsatojyawakapna, hkachixikowakpatnakna hnikawnalepa reyinuwakle yohnik-hektunuplu.

1 João 2:19

Hix-yehi ruchpakamxyana seyni hi wepirene rixjekanatna klu tshinanu wepirene rixkamkana hi ruchotatkawuna. Seyni ruchotatkawuna rimathetkanna halikaka wepirene hmixyawakanna.