Lucas 6:48 - Bíblia

⁴⁸ Wan-hixatshri honra jeji kamhapjitatshri pixkalutni. Tshiji hjitota. Teno rixlu. Waneya sotlumta hoho potuko ripxakkaklu pantshi. Rapohamxinixka wenu, hyochkihamta. Seyni hi rumukata kowchiretlu klu tshinanu sotlu hoho hkamhika pantshi.

Lucas 6:48 ပူးပေါင်းရင်းမြစ်များ

Lucas 6:47

Hita nwaka hinatshri, hita ntokanu yijnakotatshri, nuykole kamhatshri nekhitanhi hanu rixanu wan-hixatshri.

Lucas 6:49

Seyni ntokanu yijnakochatatshri, hektuwaka kamhatshri, katuktako mchiko wakan-tshiji panawaxikatshri pixkalutu, mpoyehitkotupji kamhatshrini. Hyochkihamta honha. Waneyakni hyawnamtanatka pantshini. Tsru yawnalu rixana walepjini.

João 16:33

Xyekaka pirana nunkakatkahi kihle hchinikanurunephi hita tshinanu. Xye tshijne salewnikatshinephi. Seyni kihle hchinikanurunephi klu tshinanu xye tshijne namtakakatka.

Atos 14:22

Paulo, Barnabé mixkowahchinikankakatkana Cristo halixatshine ralixleyna hiyrunu runkakletluna salewaktshi pirana yine hixo salewaktshikaka retanna haté Hoyakalu pohirewaxyawaka hjihlojyawakapna.

Efésios 2:20

Hixa pantshi sotlu kamhikolu pixkalunhi. Jesus pirana hiphujetatshine nuretkalune hiyrun-koxa Hoyakalu tokanu hinkakletatshine hoho panawaxikatshinhi. Poyehir-hoho panawaxikatshinhi. Hiyrun-koxa Jesus Cristo-kni sotlu hijhakaluru pixkalut-potu, psolupjiko poyehiwkakatshri.

2 Timóteo 2:19

Seyni poyehi potuklu Hoyakalu poyehitleru. Xye poyehitlu: “Tsru Hixikatshriwa Cristo himatna walenunetkani.” Hiyrun-koxa satu hima: “Ptowru neruka Tsru Hixikatshriwa Hoyakalu hiwaka kochtshekatshine, hasujinri hektuntshi.”

2 Pedro 1:10

Nomolene Cristo tshinanu, hiyahokni jmererunpotuphi hpoyehixyawakaplu htshanixikolu hiyrunu hnurexikolu. Klu tshinanu wan-hixini hi hihrokanu, hikepni.

1 João 2:28

Mturune pixkalune, waleymalunephi hiyáhoni ruphujewniniklunupa hike wpikanu hiyrunu hi wpatewatanu wale hetanu rapojiniklunupa.

Judas 1:24

Himalwutkalurni Hoyakalu wumukata poyehitletjeru wma mujrujyawakanupa hiyrunu Hoyakalu hoyaknu sreta wumukata hitakletjeru, hike mixkanepwu, poyikolunepwu.