Lucas 6:45 - Bíblia

⁴⁵ Waneko pixka rixa yineru. Yineru kihleru raj-koxa rimrexyalu kihleru, kihlekakalu kochpakjexikowakaya. Yineru hektutu hichinikanretatshri, rimretawakle hektutu, hektutkaka wane hkochpakjexya. Namtshi yanumaxyalu hix-potu raji hajeru.

Lucas 6:45 ပူးပေါင်းရင်းမြစ်များ

João 7:38

Nalixjeru, Hoyakalu tokanu yonatkaluru tshinyawaka pixka rixanu: “Raji hitokote ruchpakhaxini honha hiweklu heneklewatatshri.”

Atos 5:3

Waneya Pedro wan-tshinru: — Ananias, haklu tshinanhe pitshitlu Satanás htowuxyawakyi pihchinikanuya pweyawyehixyawaklu Hoyakalu Hiwejikaluru pumutujyawaklu psoji tshiji wenru?

Efésios 3:8

Hita mpomujhakotpotno ptowruneka Hoyakalu hayineteneya. Wanepnawaka Hoyakalu henekno xye poyikowlu judeu mixkane nunkajyawaklu kihler-pirana potuko, tsru pohirewnalu honra Cristo henekwu.

Efésios 4:29

Hi satukna tokantshi hektutu himtuklewatatshri hyanumaxini seyni kihleru tokantshi halukkaluru, tseruwaka hchinikanrewatatshripa tokantshi tsonu hyanumaxini. Yijnakotatshine hepixatshri tokantshi yanumaxiko.

Efésios 5:19

Hiynumsakakanu Hoyakalu tokanu chikaleya, himalwuru chikaleya, pimrikaka chikaltshi Hoyakalu Hiwejikaluruya. Himalwutanru Wutsrukate Cristo, himalwutanru hihchinikanuya.

Colossenses 3:16

Hitshitanru Cristo tokanu himwiywakhi psoluka ptowru himatkaltshiya. Hasrukkakanu, hiykokakanu Hoyakalu tokanu chikaltshiyma hiyrunu himalwuru chikaleyma hiyrun-koxa pimrikaka chikaltshiyma. Hoyakalu Hiwejikaluruya hchikalewatanu. Hchikalewaxini Hoyakalu tshinanuya hpoyahnutanru hajiya.

Colossenses 4:6

Htokanu ptowru hohneruka kihleru tokantshi hyanumaxini, chinikantshi hepixatshri tokantshiko, himat-hihixyawakapna hepomhakjene ptowruneka.

Hebreus 8:10

Hinatshripa hohne nunkaklexinna israel-nerune, wla ntshinanna — htshina Tsru Hixikatshriwa Hoyakalu: Nyonreru pirana wanna hchinikanu nutakanru, hiyrun-koxa wanna hajkaka nyonaxinri. Hitapni Royakalutnona, hiyrun-koxa wannapni, nayinetene.

Judas 1:15

Runanu rukolujyawakapna ptowru yine. Rapnokaxyawakapna wane hanikajite hwatshine Hoyakalu malixkane, hkamrurna ptowruka Hoyakalu mukchikhihlenutanutu tshinanu. Hiyrunu rapnokaxyawakapna hektuwaka kamhatshine, Hoyakalu malukkane htokanna ptowruka, hektuwaka htshinanwakaxyawakluna Hoyakalu tshinanu.