Lucas 6:42 - Bíblia

⁴² Hanhe pumukata wan-tshinretlu pimole: “Nomole, hitatshi pitshitanu kapopejiru piyhale hwatshri nkochpajyawakapa”, pma mimathetkanuklunru piyhale hwakanatatshri? Hixachatatshrini wan-hixatshri! Mitshikananhapka puknokanrutshi kaknalu piyhale hajeru. Waneyapa petpotutanutkalu pkochpajyaplu pimole yhale hwatshri kapopejiru.

Lucas 6:42 ပူးပေါင်းရင်းမြစ်များ

Mateus 26:75

Waneya Pedro hichinikaplu Jesus tokanu htshinakanaxyawaklu: “Hma yanumatkanuklunuwa patlapa, pixa map-kata hi pimathetno ptshinanu.” Hiyáhoni kahnete hya, tsru wamontshiyma htshiyahpotuthonukatka.

Mateus 7:3

Haklu tshinanhe petlu kapopejiru mtserutu pimole yhale hwatshri seyni piyhale hwatshri kaknalu psolutu hi pimatheta?

Mateus 7:4

Hanhe pumukata wan-tshinretlu pimole: “Nomole, hitatshi pitshitanu kapopejiru piyhale hwatshri nkochpajyawakapa,” pma mimathetkanuklunru piyhale hwakanatatshri?

Lucas 13:15

Seyni Tsru Hixikatshriwa Jesus wla tshinru: — Hixachatatshinhi, hi he hixa ptowrunekhi hipra boi ho burro hkochpiroka hapnanuxikalur-hohne hiyrunu hanikna maleka sreta honha rurapyawakapna pratshine?

Lucas 22:32

Seyni nanjihohneyehityi palixle hma mahaxyawakanupa. Pehchinikanuxinpatka pmixkowkakahchinikanutanna xako Hita tshinanu pmoletanune.

Lucas 6:41

— Haklu tshinanhe petlu kapopejiru mtserutu pimole yhale hwatshri seyni piyhale hwatshri kaknalu psolutu hi pimatheta?

Lucas 6:43

— Hahmuna kihleru hi hektu sahiplu. Hiyrun-koxa hahmuna hektutu hi kihle sahiplu.

Atos 13:10

Paulo wan-tshinru: — Pixa Satanás whenyi! Pkamnitlu ptowru halikakalutu. Katsepoyyi yokwijrewlu hiyrunu weyawlu. Hi he putukanu Hoyakalu tokanu halikakalutu pkoprotajyawaka weyawlu pikahwajyawaklu?

Atos 2:38

Waneya Pedro wan-tshinna: — Hehchinikanutanu hixa satkakhi Jesus Cristo hiwakaya h-batiza-xikowakapa hixa himtukjetatshrikaka hiknojikowakapa; wan-hixatshripa Hoyakalu Hiwejikaluru hyoptotanu Hoyakalu henekanhi.

Atos 8:21

Pixa hi himukata hapaka hepixletwu xye kamrurtshiya klu tshinanu hi potuk-hajyi Hoyakalu hetanuya.

Romanos 2:1

Hiyáhoni hi pkahwakanru powra pixyawaka wane ptshininri satu hektutu kamhatshri. Klu tshinanu peyijinri satu hektutu kamhatshri, wane potuko pixa heyiklexnawa. Klu tshinanu waneko pixka hixatshri koxyi pixa, pixa wan-tshina rukolukanuwninripa.

2 Coríntios 5:18

Xye ptowruka Hoyakalu kamrurni. Hoyakalu wan-hixkaklu Cristo. Wale tshinanu hixa Cristo kamnikanatatshinwu hiprotaka rimatletanune wixyawaka. Hiyrun-koxa renek-kamruretwu pimrine wimatletkajyawaklu Hoyakalu.

2 Timóteo 2:21

Hiyáhoni xawakni katukta hektuntshi powraxinwa, kastonolu kahwakpiratkalune tshinanupa pixkalutu rixinwa. Kastonolu Hoyakalunu pixkalutupni, kapjitu poyaho kamruretlexyawakaplu, ptowru hixatshri kihleru tshinanupa.

2 Pedro 1:9

Seyni xyekaka mwikatu mayhaletni wale. Wi potuko tsonu hetatshrini wale. Hiyáhoni hi ruchinikanretlu rektunu mitshikawluru hpowraxikolutka.