Lucas 6:30 - Bíblia

³⁰ Peneklewatanu klunerukta panjitka, katuktako hanjixinri. Hiyrun-koxa pimwaleru konkoklunu hi psatkakjixanru.

Lucas 6:30 ပူးပေါင်းရင်းမြစ်များ

Mateus 18:35

Waneko pixka rixanu Nuru tenhohne hajeru himole hektunu hma mamtakahchinikanyehitkanuklunupa halikaka.

Mateus 5:39

Seyni wla ntshinhi hixa: Hi hapnutanru hkamnitjeru. Satu yineru himpakhojixinipyi, pa sreta hoji koxa pumpakjixachatanu.

Mateus 6:12

Pamtakahchinikanyehixinwu wektunu pimrine hektunu wamtakahchinikanyehixyawaka pixka.

Lucas 11:41

Hiyáhoni xawakni psoji himwaleru xako henekanna hike mwikane. Waneyakni wan-hixinipa ptowruko powrapatka hixa tshinanu.

Lucas 12:33

Ptowruka himwaleru hichankanu waneya tiyiro hyoptotanrupa henekanna hike mwikane. Hikchijinwa tsapantshikaka mimat-nikawnakatu, hpohirewninri himretanu tenhohneya. Wane hi rimata nikawniya. Klu tshinanu tenhohne katshowhurune mwiywakanni. Hi kamlako himtuklewaxya.

Lucas 18:22

Waneya hjeminixkalu Jesus xye ptowruka wla htshinatkalu: — Seyni satu pa hixanu pmaha kamhaletawa. Puchankanru ptowruka pimwanru, penekanna ptowruka mahaxikatshine. Wane pixa pohirewnaletanu tenhohneya. Waneya punanu, pomkahitanno hita.

Lucas 6:29

Satu yineru himpakhojixinipyi, pa sreta hoji koxa pumpakjixachatanu. Capa pkonjeru pimkal-koxa hi ptshipexinri.

Lucas 6:31

Hanukta paluk-hixletko yine tshinanuya, waneko pixka pixanna wanna.

Lucas 6:38

Heneklewachaxya psoko wane hix-koxa henekachatko wane pso. Waneya wan-hixatshinephi tsru potuko yoptotatshinephi, tsru potuko. Hakot-haniklexyawak-pso henekko. Klu tshinanu yahotapi hixa hyahotapre, walako hyahoxika.

Atos 20:35

Nkamrure psoluyaka tshinanu nekhithi hixa haluka kamrurewleta hike mwikane wumukata hepixletanu. Hichinikanretanru Jesus Tsru Hixikatshriwa tokanu: “Katukta renejikolu yoptota hpoyikowata seyni heneklewatatshri pnute poyiknu.”

2 Coríntios 8:9

Klu tshinanu hixa himatpiranatlu Wutsrukate Jesus Cristo hihlenu henekachalewle pirana. Phurukananni Cristo seyni hixa tshinanu hike mwikatutkani, hike hmimwalnutka pohirewkakatkahi hixa.

Efésios 4:28

Katshowhurukananu hi wane pnuteko htshowhuwatanutka seyni hkamrurewatanu. Waleko himyoya kihler-kamrurtshi hkamhanu hkayaxyawakapa. Wan-hixatshri himukata hapikletanna mahaxikatshine.