Lucas 6:28 - Bíblia

²⁸ Kihlewaka hanjiyehitanna hipuktshi hanjiyehitjene. Hiyrun-koxa hanjihohneyehitanna hyotnetjene.

Lucas 6:28 ပူးပေါင်းရင်းမြစ်များ

Mateus 5:44

Seyni hita wan-tshinyi: Hichinikanna hkamnitjene. Hanjihohneyehitanna hsaletjene.

Lucas 23:34

Waneya Jesus wan-tshina: — Nuru, pamtakahchinikanyehitanru nyi yine hektunu. Klu tshinanu hi rimatna klukta hkamhana. Waneya hiknokkaluru ruknokna rimaxyawakapna katu kayatanru Jesus-ni mkalu.

Lucas 6:27

— Seyni wla ntshinhi hixa njemjenhi: Hi hahnanutanru hahnanutjeru. Kihlewaka hkamhinna hahnanutjene.

Lucas 6:35

Seyni hichinikanna hmukchikhihlenutjene. Kihleru hkamhinna, henekan-koxna wanna mwenutaklene. Waneya peneklewaxya hapnutpatka tsru potpako. Tsru Potuko Tenhohne hajeru whenenephi. Klu tshinanu kchinikanurni Hoyakalu poyahnu mtshinaklene tshinanu hiyrun-koxa hektutu kamhatshine tshinanu.

Atos 14:5

Waneya judeu mixkane hiyrun-koxa judeu-ne h-chefe-teneymakananuko haluka kamniretna hiyrunu hsotlujpiraxyawakna Paulo, Barnabé.

Atos 7:60

Waneya hyoptsojitamta Estêvão. Tsru saple rixa. Wane htshin-sapleta Estêvão: — Tsru Hixikatshriwa Hoyakalu, hi papnokatanna nyi jejine hmajnakonuna tshinanu! Waneya rali wan-tshinretatka rupnanatka.

Romanos 12:14

Hoyakalu hanjitanu kihleru hixa hapnokatjene tshinanu. Hihlewahchinikanyehitanna, hi hkamakatanna.

1 Coríntios 4:12

Wkamrurewpotuta. Wimyoko wkamrurewaxya. Yanhakkalunwu seyni wuhlewahchinikanyehlewata. Wyotnejetkamka seyni wakotachatlu.

Tiago 3:10

Walerutu namtshi ruchpajya himalwuru hiyrunu kamakalu. Cristo tshinanu nmoletanune wan-hixatshri hi halukkalurni.

1 Pedro 3:9

Hi hektutuyma papnutanru hektutu pkamhikjeru. Hiyrun-koxa hi yanhakluyma papnutanru yanhaklu. Seyni halikaka kihlewaka hanjiyehitanna. Klu tshinanu himatanru htshanixkoklunu, htshanixka kihlewaka hyoptoxyawakapa.