Lucas 6:27 - Bíblia

²⁷ — Seyni wla ntshinhi hixa njemjenhi: Hi hahnanutanru hahnanutjeru. Kihlewaka hkamhinna hahnanutjene.

Lucas 6:27 ပူးပေါင်းရင်းမြစ်များ

Marcos 4:24

Wane koxa htshinna Jesus: — Hislahinri ptowruko hjemleru. Klu tshinanu yahotapi hixa hyahotapre, walako hyahoxika hiyrunu wala pso yohnika hyahoxika.

Lucas 23:34

Waneya Jesus wan-tshina: — Nuru, pamtakahchinikanyehitanru nyi yine hektunu. Klu tshinanu hi rimatna klukta hkamhana. Waneya hiknokkaluru ruknokna rimaxyawakapna katu kayatanru Jesus-ni mkalu.

Lucas 6:22

— Poyikowatatshinhi yahmaklu xye papko hahnanutkalunhi, malukkonhi heyikkalunhi hiyrun-koxa ptowru hektutu tshinanwakatkalunhi klu tshinanu homkahitlu Cristo, Jeji Whene tshinikatshriwa.

Lucas 6:35

Seyni hichinikanna hmukchikhihlenutjene. Kihleru hkamhinna, henekan-koxna wanna mwenutaklene. Waneya peneklewaxya hapnutpatka tsru potpako. Tsru Potuko Tenhohne hajeru whenenephi. Klu tshinanu kchinikanurni Hoyakalu poyahnu mtshinaklene tshinanu hiyrun-koxa hektutu kamhatshine tshinanu.

Lucas 8:15

Seyni halikaka kihle tshijiwaka hapoktatajitatshine, wannani potuk-hajirune, kihle hajirune. Hyijnakotluna tokantshi. Romkahitluna hjemlerna. Hmachiretleymana hjiwatanutkana.

Lucas 8:18

— Hiyáhoni hislahinwa hanu pixa yijnakoletanru xye hima: Klu tshinanu hwikatshri pnute renekko. Seyni hike mwikatu haté seyo rimwaleru hkonkona.

Lucas 8:8

Seyni pimriji kihle tshijiwaka hapoktatajita. Htseruwna, hjiwata. Satkakaji pejnu tshinanu cem-ji rawa. Waneya wane htshinna Jesus: — Kajnakopnahi hyijnakoxyawakapa, hyijnakotanu.

Atos 10:38

Hiyrun-koxa hixa himatlu Jesus Nazaré hajeru pirana. Hoyakalu hipkakhohotlu Jesus Hoyakalu Hiwejikaluru hiyrunu tsru pixkonu reneklu Jesus. Waneya Jesus ptowru sretako hyapakananumta. Kihleru hkamhakananumta Jesus. Rutskalakna ptowruneka tsru kamtshi himwakanatatshine klu tshinanu Jesus-ymalu Hoyakalu.

Atos 16:28

Seyni Paulo saplewata: — Hike hektutu pixinwa, hixa ptowrunekwu hewi.

Atos 7:60

Waneya hyoptsojitamta Estêvão. Tsru saple rixa. Wane htshin-sapleta Estêvão: — Tsru Hixikatshriwa Hoyakalu, hi papnokatanna nyi jejine hmajnakonuna tshinanu! Waneya rali wan-tshinretatka rupnanatka.

Gálatas 6:10

Hiyáhoni ptowru katako kihleru wixinwa ptowru neruko tshinanupa. Halikak-potu wane wixanna halixlu tshinanu wmoletanune.

1 Tessalonicenses 5:15

Hislahinwa hi satukna hektutu, hektutuyma hapnutanu. Seyni ptowru katako hijhapotutanru kihleruyma hepixkajyawaka hixkakluko hiyrun-koxa pimrine yehiya.

3 João 1:11

Nuchinikanune, hi hyimanru hektutu seyni kihleru hyimanu. Kihleru kamhatshri Hoyakalu hayinerutni seyni hektutu kamhatshri hi rimathetlu Hoyakalu.