Lucas 6:23 - Bíblia

²³ Ppoyikowpotutanu, puptetanu poyikowluyma rakanhinipa xyekaka pejnu klu tshinanu tsru pumlujikolu pimretahnaputka tenhohneya. Klu tshinanu wane mitshi rixkana Hoyakalu tokanu hinkakletatshine rutsrukatenniyna.

Lucas 6:23 ပူးပေါင်းရင်းမြစ်များ

Mateus 5:12

Waneko pixka rix-salewnaletnina mitshikawa hiwekakanatatshinni Hoyakalu tokanu hinkakletatshinni. Hpoyikowatanu, himuwatan-koxa klu tshinanu himlujikolu tsru potuko hyoptotanu Hoyakalu yehiya.

Lucas 1:41

Wane tixatka. Isabel jem-haliklexinixkalo Maria, mturu Isabel nanwaka hajeru ruptekapa. Hoyakalu Hiwejikaluru pixkonu himwatkalo.

Lucas 1:44

Petanu. Hajeyrono yijnakotatkayi palijyawakno mturu nonanwaka hajeru hiptekapa hpoyikonuyma.

Lucas 6:35

Seyni hichinikanna hmukchikhihlenutjene. Kihleru hkamhinna, henekan-koxna wanna mwenutaklene. Waneya peneklewaxya hapnutpatka tsru potpako. Tsru Potuko Tenhohne hajeru whenenephi. Klu tshinanu kchinikanurni Hoyakalu poyahnu mtshinaklene tshinanu hiyrun-koxa hektutu kamhatshine tshinanu.

Atos 14:10

Waneya Paulo hipokananu hiynumatlu wane htshinru myankatu: — Ppalnanu! Pyopkakanu! Waneya jeji palna, hyopkaka waneya hyinuwaka yanretatka.

Atos 3:8

Waneya ruptemta, hyotunota waneya hyinuwaka yanretatka. Waneya Hoyakalupji hjihlokatka wannayma. Hyanamtatka, ruptemtatka. Rimalwumtlu Hoyakalu.

Atos 5:41

Hiyáhoni nuretkalune hjemahchinikanyehixikowakna yehi ruchpajyana. Rumuwamtna klu tshinanu rutakyahokkana rumukata salewnalexyawakna haté reyikkana Jesus hiwaka tshinanu.

Romanos 5:3

Hiyrun-koxa wpoyikowata salewaktshi tshinanu klu tshinanu wimatlu salewaktshikni hasruklu yineru kahwakachatatshri rixinripa.

2 Coríntios 12:10

Hiyáhoni kihle hchinikanno hihroklukaka tshinanu, hektuntshi, mahaxikalurkaka, kojwawaktshikaka, xyekaka salewaktshi Cristo tshinanni. Klu tshinanu nuhrojini halikaka kpixkonno.

Colossenses 1:24

Npoyikowata klu tshinanu xawakni numukata salewnaletanu hixa tshinanupa. Nomane salewaklu hepixa nikatletlu Cristo salewnale Cristo halixatshine hapatjetatshine Cristo mane-ne tshinanupa.

2 Timóteo 2:12

Salewnalu wakotachaxini, Cristo-yma wpohirewatanu. Hi nimathetlu, wtshinanwakaxiniplu Cristo, hi himathetanunwu hixapni.

Hebreus 11:26

Cristo heyijikolu pixkalutu rukchikhihlenuta Moisés ptowru pohirewlu Egito tshijne hwatshri pnute. Wan-rixahchinikanuta Moisés klu tshinanu rapnutepa Hoyakalu henejyaplu hijhakalur-potu rikahwaka.

Hebreus 11:6

Klu tshinanu halixlu minjeyma hike himukata poyikotletlu Hoyakalu. Seyni katukta haluka yanwakletlu Hoyakalu raluk-halixletlu rawa Hoyakalu. Hiyrun-koxa Hoyakalu hijhatshine hkahwakan-koxluna renejikolna heneklewatatshri Hoyakalu.

Tiago 1:2

Cristo tshinanu nmoletanune, himuwatanu ptowru hixatshri yohnirewlu hexini.

1 Pedro 4:13

Seyni hpoyikowatanu, klu tshinanu Cristo salewnale pixka hixa saletletkalunhi. Hiyáhoni Cristo hoyaknu hiphujexikolupa hix-koxa himwapotutanu, tsru himuwluyma potuko.

Apocalipse 2:17

Kajnakopnahi hyijnakoxyawakapa, hyijnakotanru Hoyakalu Hiwejikaluru tshinyawakna Cristo halixatshine hapatjexikowakkaka hajene: “Hallirewatatshri, maná mimatyehitkotu nenekanru. Hiyrun-koxa nenekanru sotlu tshraji klatalu yonatkaluru hiwaktshi herotu mimatkotu. Hike yineru himatanru hiwaktshi seyni yoptotatshri tsonu himatanru.”

Apocalipse 2:26

“Hallirewatatshripa, kamrurtshi nalukanru kamhapotutatshri haté hmahaxyawaka papko potuko, towuwlu nenekanru pa nerkaka htowuwaxyawakapa. Towuwlu Nuru henejyano pixkalutu nenekanru wan-hixatshri yineru.

Apocalipse 2:7

Kajnakopnahi hyijnakoxyawakapa, hyijnakotanru Hoyakalu Hiwejikaluru tshinyawakna Cristo halixatshine hapatjexikowakkaka hajene: Hallitatshripa nenekanu hnijyawakaplu hahmuna sahi, hahmuna hiweklu heneklewatatshri sahi, Hoyakalu hitaklucha kihler-potuko yehi hanikajite hwatshriya.”

Apocalipse 21:7

Hallirewatatshri yoptotanru xye hita tshinanuya. Hitapni Royakalutepno. Hiyrun-koxa wale nowhenepni.

Apocalipse 3:12

“Hallirewatatshripa, Noyakalutepji stsihi nixkakanru. Hikeklu maleka ruchpakanutka. Wale hoho Noyakalute hiwaka nyonatanu hiyrunu Noyakalute poktshite hiwaka wale hoho nyonatanu. Wale poktshi Jerusalém poktshi herotetkalurupa tenhohne Noyakalut-yehi hichpajikatshripa. Hiyrun-koxa hitako nhiwaka herotu wale hoho nyonatanu.

Apocalipse 3:5

Hallirewatatshri mkatshri klatalu makatatshripni. Hiyrun-koxa hiwejikaluro steno hi ruchyahiwakaxiko. Seyni wale hiwaka nuphujetanu Nuru Hoyakalu hetanu hiyrunu hiwejikalune Hoyakalu towrene tenhohne hajene hetan-koxa.