Lucas 6:21 - Bíblia

²¹ — Poyikowatatshinhi yahmaklu xye papko natshitatshinmakhi klu tshinanu jinan-potpákohi. — Poyikowatatshinhi yahmaklu xye papko tshiyahatatshinephi klu tshinanu hitsolhiwatatshinephi.

Lucas 6:21 ပူးပေါင်းရင်းမြစ်များ

Gênesis 17:17

Waneya Abraão tshij-hoho hyotshrijrotatatka, rutsolhiwata waneya wane htshinnawa: “Rumukata wuhenewlethe sat-jeji cem mhalerututka, Sara koxa noventa mhaletka, tumukata wuhenewlethe?”

Gênesis 21:6

Sara wla tshinatka: — Hoyakalu poyikowkakatkano hiyrun-koxa ptowru yineru xye pirana jematshripa hitayma poyikowatanu.

Mateus 5:4

— Poyikowatatshinni xye hohne wamonuwatatshine Hoyakalu tshinanu poyikotahchinikanutshinepa.

Mateus 5:6

— Poyikowatatshinni Hoyakalu halujyawaka hijhapotutatshine natshitatshine hiyrunu honnuhatewatatshine pixka klu tshinanu jinanurune pixkalunepni Hoyakalu tshinanu.

Lucas 1:53

Jinanu rixkakna natshikanatatshine ptowru nijittshi kihleruya. Phurune hyokanatanna hyiywakatkana hike manikaneko.

Lucas 6:20

Waneya Jesus yopukhatna rasruklene waneya wla htshinatka: — Hixa hike mwikanhi seyni poyikpotukhi. Klu tshinanu Hoyakalu pohirewaxyawaka hixanutkani.

Lucas 6:22

— Poyikowatatshinhi yahmaklu xye papko hahnanutkalunhi, malukkonhi heyikkalunhi hiyrun-koxa ptowru hektutu tshinanwakatkalunhi klu tshinanu homkahitlu Cristo, Jeji Whene tshinikatshriwa.

Lucas 6:25

— Ha hixa ptowruka himwatshinhi, hnatshitanuna. — Kwamonurunhi hixa xawakni hitsolhiwatatshine klu tshinanu xekoyaka hwamonuwatanu, htshiyahatanu!

João 11:35

Waneya Jesus tshiyahata.

João 4:10

Waneya Jesus hihitlo wla htshinro: — Pimatkamkalu Hoyakalu henekachle hiyrun-koxa pimatkamkalu panjitjeru wla tshinatshri, honha putanno waneyamka honha panjixinri wale waneya walemka henekanyi honha hiweklu heneklewatatshri.

João 6:35

Waneya ruhita Jesus: — Pão hiwekkaklewatatshri Hitni. Katukta yanwakaxinno hikeklu hohne hnatshitanu hiyrun-koxa nalixjeru hikeklu hohne ronunnahatewatanu.

1 Coríntios 4:11

Haté xawakni pa katkaka natshwu, wonunnahatewata. Mkatshri hiskatatshri wmakatjeta, kotshipjerunwu, pa pji pejnu wumkamxya.

2 Coríntios 11:27

Tsru kamrurtshi potu neta hiyrun-koxa hamanru tsru potuko neta. Hixo kata hi numka, nnatshita, ntshiklehowata, nmahamkata.

2 Coríntios 12:10

Hiyáhoni kihle hchinikanno hihroklukaka tshinanu, hektuntshi, mahaxikalurkaka, kojwawaktshikaka, xyekaka salewaktshi Cristo tshinanni. Klu tshinanu nuhrojini halikaka kpixkonno.

2 Coríntios 6:10

Wamonuwnatshine hikahwakkalunwu seyni hi wutuk-poyikowleta. Hike mwikane pixkalunwu seyni hixolune yine wpohirewnakaka. Hatatjewa mejnunkatenwu seyni halikaka ptowru potuko wimwa.

Tiago 1:12

Poyikowatatshrini yineru yohnixikolkaka hetatshri kihleru kamrurtshi hmuchotkanuklunu. Klu tshinanu yohnixikolu hiknohiniplu wan-hixatshri hiwejikaluru hyoptotanu, rumlujikolu sahyi hiwejikaluru hyoptotanu. Hoyakalu honukla hinkaklexyalu wan-hixatshri yineru.

Apocalipse 21:3

Waneya tsru tokantshi njema pohirtshi tuplawakle hichpajikatshri hima, wla tshinatshri: — Hjemanu! Hoyakalu hwiywaka yin-yehi rawatka. Wannayma rawanu. Rayinetenepni. Hoyakalu potuko wannaymapa. Wanna Hoyakalutepni.

Apocalipse 7:16

Hi natshpatkana. Hi ronunnahatewatanutkana. Hi tkatshiko yoxjemtatanutkana.