Lucas 6:17 - Bíblia

¹⁷ Waneya Jesus himriji hserpikatka rasrukleneyma waneya rutukamta kihlemta tshijiwaka pimrine hixolune rasrukleneyma. Hixolune yine hwakanata. Wannani Judeia tshijne hajene, Jerusalém poktshi hajen-koxa, hiyrun-koxa Tiro poktshi hajene hiyrun-koxa Sidom poktshi hajene mar powhastsi poktshikaka hwatshrikaka.

Lucas 6:17 ပူးပေါင်းရင်းမြစ်များ

Mateus 11:21

— Hapnokatkalur-potupyi pixa Corazim poktshi hiyrunu Betsaida poktshi! Klu tshinanu himyekaklewatatshrikaka nkamhakmaka hita Tiro poktshiya hiyrunu Sidom poktshi hix-yehi hakanhikatshri pixkalutu, waneyamka mitshikawako rehchinikanutanutkana wane poktshikak-hajene, waneyamka mkatshri saco mapa kamhikolu hmakatanutkana hiyrunu tshitshi pahi koxamka hpolojiwuxinwana rimathexikowakna rehchinikanutatkana.

Mateus 12:15

Xye pirana rimaxinixka Jesus, wane ruchpajyatka. Hixolune yine homkahimtlu hiyrunu rutskalakna yeyixatshine.

Mateus 14:14

Waneya ruptejinixka Jesus, retna hixolune. Retwamonutatkana rutskalakna ptowruneko yeyixatshine.

Mateus 15:21

Waneya Jesus wane hichpajya, Tiro hiyrunu Sidom tshinikowakastsi hyamta.

Mateus 5:1

Waneya hixolune rexiniklunu Jesus, himriji hkanka, htuplatatka. Waneya rasruklene yanwakatlu.

Lucas 5:15

Seyni pnute hya kopalpiranretlu. Hiyáhoni hixolune yine hinanwakatlu Jesus tokanu hjemyawakna hiyrun-koxa hyeyixlena rutskalajyawakapa.

Lucas 6:12

Waneya waneklu papko Jesus himriji hkankatka ranjihohnexyawakapa. Waneya psol-yetshnoko waneko ranjixyalu Hoyakalu.

Lucas 6:16

Judas, Tiago tshinkaluru whene; Judas Iscariotes tshinkaluru, Jesus kamnitjerupa.

Lucas 6:18

Runna rutskalajikowakapna ptowru hyeyixleyna hiyrun-koxa Jesus tokanu hjemyawakapna. Run-koxna kkamtshiterune. Rutskalakanna wanna ptowruneka.