Lucas 6:13 - Bíblia

¹³ Waneya rumrejinixka hohi htomhana rasruklene hixolune. Waneya doze hnuretatka hixolune tskalaya. Nyi doze jejine rutakhiwakatkana ‘nuretkalune’.

Lucas 6:13 ပူးပေါင်းရင်းမြစ်များ

Mateus 10:2

Xyeni Jesus nuretanune doze-na hiwakkakni: mitshikananhapka, Simão tshinkaluru (wale rutakhiwakata Pedro) hiyrunu André tshinkaluru Pedro mole; hiyrunu Tiago tshinkaluru, Zebedeu whene, João tshinkaluru, Tiago hepuru;

Mateus 19:28

Waneya Jesus wla tshina: — Halikaka ntshinhi, ptowruka herotetkoklunuklu papko hyinuwajiniklunupa Jeji Whene towuwle royaknuyma, wale towuwlu pixkalutu nenekanhi hixa nomkahitjenhi hiyrun-koxa phuru tuplawakle htuplatanu hikolukanuwnakakanna israel-nerune doze ptohkakapni.

Mateus 9:36

Waneya hixolune yine rexiniklunu, retwamonutatkana klu tshinanu hkaheknanuwatna, hiknokkalune carneiro-ne ruslahjerna mwikane pixkalunni.

Marcos 6:30

Waneya hnurrene satokanwakatlu Jesus. Runkakluna Jesus ptowruko hkamhapanruna hiyrunu rasruklewakanatanruna pirana.

Marcos 6:7

Jesus tomhana rasruklene doze. Hyinuwaka yokanretna hepkaka. Renekpixkonutna kamtshine htowuxyawakapna ruchpajyawakapna yine maneya.

Lucas 11:49

Hiyah-koxni Hoyakalu rimatkalnuyma wla htshina: “Nyokananwakatmakna, hinamtatshri pirana hinkakletatshine, nnuretanun-koxa. Satkakapni ruylatanna. Pimrinepni hsalewnakakanna.”

Lucas 22:30

Halikaka himinkanno, himuranno nikjexikowakaya npohirewaxyawaka hwatshri. Hiyrun-koxa phuru tuplawakle htuplatanu hikolukanuwnakakanna israel-nerune doze ptohkakapni.

Lucas 6:14

Hhiwaknina: Simão, wale rutakhiwakata Pedro; André, Pedro mole; Tiago, João, Filipe, Bartolomeu;

João 4:33

Wale tshinanu rasruklene wla htshinkakna: — Hiyáhola satu yineru haniknijitutlu?

Atos 1:13

Waneya Jerusalém poktshi rapojinixkana, hihruko nwaka hyamtna, pantshi teno hwahrukotatshri. Wane rawjexyawakna Pedro, João, Tiago, André, Filipe, Tomé, Bartolomeu, Mateus, Tiago, Alfeu whene, Simão honra Israel tshijne tshinanu mixkowatatshrini, hiyrun-koxa Judas, Tiago whene.

Efésios 2:20

Hixa pantshi sotlu kamhikolu pixkalunhi. Jesus pirana hiphujetatshine nuretkalune hiyrun-koxa Hoyakalu tokanu hinkakletatshine hoho panawaxikatshinhi. Poyehir-hoho panawaxikatshinhi. Hiyrun-koxa Jesus Cristo-kni sotlu hijhakaluru pixkalut-potu, psolupjiko poyehiwkakatshri.

Efésios 4:11

Walekatkani henekachalkaka reneksatna yine. Reneksatkatkana nuretkalune rixyawakna, pimrine reneksata Hoyakalu tokanu hinkakletatshine rixyawakna, pimrine reneksatna Hoyakalu tokanu jinkakletaklerune rixyawakna hiyrun-koxa reneksatna halixatshine hinotatshine rixyawakna hiyrunu pimrine reneksatna hapatjetatshine kosekatshine rixyawakna.

Hebreus 3:1

Hiyáhoni Cristo tshinanu nmoletanune, hix-koxa Hoyakalu nurrenhi, homkahpotutanru Jesus, Nuretkalurni wale hiyrunu Tsru Sacerdote potni wale halixlu pirana wuphujetjereru.

2 Pedro 3:2

Tokantshi mitshikawluru, Hoyakalu tokanu hinkakletatshine, Hoyakalu nurrene tokanu hichinikanu hiyrun-koxa hixa Wutsrukate Jesus Wiwekkakjeru nurrenwu, tokanu hijretle hichinikanu.

Apocalipse 12:1

Waneya tsru himyekaklewatatshri tenhohne rakanhiya. Sato suxo tkatshi makatatshro hiphujewna. Ksuru tojixi hpuko hwa hiyrunu pohirtshi sahye t-sahyeta doze katahiri hwa sahyetlo.

Apocalipse 18:20

Hiyáhoni xawakni himuwatanu tenhohne hwatshinhi, Hoyakalunerune, nuretkalunhi hiyrunu Hoyakalu tokanu hinkakletatshinhi. Klu tshinanu Hoyakalu hapnokatlu wale tsru poktshi, rixjekanaxyawakhi tsru poktshi pixka rixlu.

Apocalipse 21:14

Poktshi cerca-te, doze sotlu tsrukakalu hoho hwa. Doze Carneiro Whene tshinkaluru nuretanune hiwakkaka, doze sotlu hyonatkatka.