Lucas 6:12 - Bíblia

¹² Waneya waneklu papko Jesus himriji hkankatka ranjihohnexyawakapa. Waneya psol-yetshnoko waneko ranjixyalu Hoyakalu.

Lucas 6:12 ပူးပေါင်းရင်းမြစ်များ

Mateus 5:1

Waneya hixolune rexiniklunu Jesus, himriji hkanka, htuplatatka. Waneya rasruklene yanwakatlu.

Mateus 6:6

Seyni panjihohnexinipa pixa, pihruko pyanu, puchyahiphaptotetanu, panjitanru puru, yohimaxikowaka hwatshri. Waneya Puru, ptowru pmeta kamhalexikolu hetatshri pumlujikolupa henekanyi.

Marcos 1:35

Waneya yetshpotukawa hma mumrerekkanuklunuwa hyotunomta ruchpakamta Jesus. Waneya potshkewaka nwaka hya. Wane ranjihohnexya.

Marcos 3:13

Waneya himriji hkankatka Jesus. Htomhana wale ruchinikanune. Waneya hyanwakatluna wale.

Marcos 6:46

Hixolune rali yokanrexinixka Jesus, walepka hipjita hya ranjihohnexyawakapa.

Lucas 5:16

Seyni Jesus kahnete sputa hya potshkewaka. Waneya wane ranjihohnexya.

Lucas 6:11

Waneya hjihekanuwpotutatkana. Hiyáhoni rujhahchinikanutatkana wannakakluko hanu rixa himukata hikolukletluna Jesus.

Lucas 6:17

Waneya Jesus himriji hserpikatka rasrukleneyma waneya rutukamta kihlemta tshijiwaka pimrine hixolune rasrukleneyma. Hixolune yine hwakanata. Wannani Judeia tshijne hajene, Jerusalém poktshi hajen-koxa, hiyrun-koxa Tiro poktshi hajene hiyrun-koxa Sidom poktshi hajene mar powhastsi poktshikaka hwatshrikaka.

Lucas 9:18

Waneya pa katatnaka ranjihohnekananumta Jesus, walepka. Waneya rasruklene repomha walestsi hwakanatatshine. Wane htshinna: — Kathe rikahwaknona yine?

Lucas 9:28

Waneya pa semana pnutejiji hiknohatka Jesus, Pedro, João, Tiago koxa ranika. Satu mriji hkankatkana ranjihohnetapyawakapna.

Lucas 9:29

Waneya ranjihohnekanaxiniwa Jesus, hyokmanhojitatka. Himkal-koxa klata, klat-potuko rixa, katajru.

João 6:3

Waneya Jesus satu himriji hkankatka wane htuplata rasrukleneyma.

Colossenses 4:2

Hi hituk-hanjihohneretanu. Hi himnanhanu hanjihohnereya. Hoyakalu hpoyahnutanu.

Hebreus 5:7

Jesus xye tshijne rawakanaxini, tsru saplewlu hiyrunu tshiyahluyma ranjihohneta hiyrunu ranjitlu Hoyakalu hipuktshi hma kayaxyawakanumkapa. Hoyakalumka yijnakotlu klu tshinanu Jesus kahwakpirurumkani, ptowutkolmakni.