Lucas 6:11 - Bíblia

¹¹ Waneya hjihekanuwpotutatkana. Hiyáhoni rujhahchinikanutatkana wannakakluko hanu rixa himukata hikolukletluna Jesus.

Lucas 6:11 ပူးပေါင်းရင်းမြစ်များ

Mateus 16:7

Waneya rasruklene yinuwaka hihjekakleta wannakakluko, waneya wla htshinna: — Wale wan-tshina klu tshinanu pão hi wanikatka.

Mateus 21:45

Waneya fariseu-ne hiyrun-koxa tsru hixikatshinwa sacerdote-ne jeminixkalu Jesus, rimatluna Jesus kamnitna yapkaklu piranaya runkakletleru.

Lucas 4:28

Waneya xye pirana hyijnakoxinixkana hanjihohnewakapji hwakanatatshine ramewpotutna.

Lucas 6:10

Waneya Jesus heknojtayehitmakna wanna ptowruneka. Waneya wane pnutetka wla htshinatkalu jeji: — Pyosurukkanotanu. Waneya hyosurukkanotatka, ruhlewamyotatka.

Lucas 6:12

Waneya waneklu papko Jesus himriji hkankatka ranjihohnexyawakapa. Waneya psol-yetshnoko waneko ranjixyalu Hoyakalu.

João 11:47

Waneya tsru hixikatshinwa sacerdote-ne hiyrun-koxa fariseu-ne hapatjeta judeu tsru hitakkaluneyma. Waneya wane htshinna: — Hanhe xawaka wixanu? Xye jeji híxolu hiyakolukaka hkamhajeta!

João 7:1

Waneya wane wkatanu Jesus hi Judeia tshijne hyapatka klu tshinanu judeu-ne, wane hajene, haluk-hiylaletlu. Hiyáhoni Galileia tshijne tsonu hyapjeta.

Atos 26:11

Hix-hohne potuko napnokatatkana ptowru hanjihohnewakapjikakaya haté nyapretakatkana ralixlena ruchoxyawakna. Nahkatkana haté pa poktshikaka napkapa napnokaxyawakapna.

Atos 4:15

Waneya hyokanatatkana Pedro, João jemahchinikankakjexikowakapjiya maleka hyiywakapna waneya tsrukakalune hjemahchinikankakatkana wannakakluko.

Atos 4:19

Waneya Pedro hiyrunu João hihitna: — Haté hixa hinkakanwu katpothe xawaka wyijnakotanu ho hixa ho Hoyakalu?

Atos 5:33

Waneya hjemahchinikanyehitjene jeminiklunru xye pirana hjihekanuwatna hiyáhoni raluk-hiylaletna nuretkalune.

Atos 7:54

Waneya hjihyehitjene yijnakotlu Estêvão. Hjihekanuwpotutna. Raskiyhiyehitluna.

2 Timóteo 3:9

Seyni wannapni hi howuka yanuna. Klu tshinanu rimathetkona ptowruneko yehiya mahchinikanune rixyawakna Janes hiyrunu Jambres pixka.