Lucas 5:32 - Bíblia

³² Klu tshinanu hi nuna ntshanixyawakapna kihlerune seyni hektune ntshanixyawaka rehchinikanuxyawakapna.

Lucas 5:32 ပူးပေါင်းရင်းမြစ်များ

Mateus 18:10

— Xako hi heyikanru satu nyi mturune klu tshinanu wane ntshinhi, hiwejikalune Hoyakalu towrene tenhohne hajene wanna tshinanu psol-hohneko rethojitluna Nuru tenhohne hajeru.

Mateus 9:13

Seyni hijha himatletanu hanu haluka tshinreta xye hima Hoyakalu piranaya: “Naluklu hetwamonrewlu. Hi henekachlu hiylatkaluru naluka.” Klu tshinanu hi nuna ntshanixyawakapna kihlerune seyni hektune ntshanixyawaka rehchinikanuxyawakapna.

Marcos 15:10

Klu tshinanu rimata tsru hixikatshinwa sacerdote-ne hhahxalna tshinanu raluka kachretluna Jesus.

Marcos 15:7

Waneklu papko satu jeji Barrabás tshinkaluru preso hwa. Waleymalune poktshi tsrukakalutene hkamnikanaxyawakna klu papko ruylalenni tshinanu kapna rutakkana.

Marcos 2:17

Xye hjemini Jesus, wla htshinna: — Pomtalune hi haluklu kpinrewakleru seyni katshinomtalu haluklu. Hi nuna ntshanixyawakapna kihlerune seyni muhlene ntshanixyawaka rehchinikanuwaxyawakapna.

Lucas 15:10

— Wane ntshinhi halikaka, waneko pixka rixa himuwletna hiwejikalune Hoyakalu towrene tenhohne hajene, rehchinikanuxini satu yineru hektuwaka kamhatshri.

Lucas 15:7

— Hiyáhoni wane ntshinhi tenhohney-koxa rawanu tsru poyikowlu potuko satupka hektuwaka kamhatshri hehchinikanuxiklu tshinanupa noventa e nove-pna yine potuka hchinikanurune, hehchinikanru mujhakanetka.

Lucas 19:10

Klu tshinanu Jeji Whene tshinkaluru hina hamhakanatatshri rujhiywakapa riwekkajyawakaplu.

Lucas 24:47

Hiyrun-koxa ptowru tshijneko runkaklexikotka hehchinikanru pirana hektuntshi hiknojikowaka pirana, wale hiwakaya. Jerusalém poktshi hyinuwaka hinkaklewlexini.

Lucas 5:31

Waneya Jesus wan-tshinna: — Pomtalune hi haluklu kpinrewakleru seyni katshinomtalu haluklu.

Lucas 5:33

Waneya satkaka yineru wan-tshinru Jesus: — Haklu tshinanhe João Batista hasruklene hohajirewjeta, ranjihohnejet-koxna hiyrunu fariseu-ne hasruklene waneko pixka rixna seyni pasruklene nika, rurna?

Atos 17:30

Mitshikawni yine hi himathetlu Hoyakalu hiyáhoni retachakanatna yine. Seyni xawakni Hoyakalu ptowru yineru hinkaka rehchinikanuxyawakapa.

Atos 2:38

Waneya Pedro wan-tshinna: — Hehchinikanutanu hixa satkakhi Jesus Cristo hiwakaya h-batiza-xikowakapa hixa himtukjetatshrikaka hiknojikowakapa; wan-hixatshripa Hoyakalu Hiwejikaluru hyoptotanu Hoyakalu henekanhi.

Atos 20:21

Nunkakna judeu-nerune judeu mixkane koxa rehchinikanuxyawakapna rektunu tshinanna hiyrunu nunkakna Hoyakalu ruchinikanrexyawakna hiyrunu Jesus Cristo Wutsrukate ralixyawakapna.

Atos 3:19

Hiyáhoni hehchinikanutanu xako, hyokmakahchinikanutanu waneya hiknojiko hektunu.

Atos 3:26

Hiyáhoni Hoyakalu hali hiwekkaklexinixkalu Hituru, Hoyakalu yokanhapkatlu hix-yehi, ruhlewahchinikanyehixyawakaphi, hixa satkakhi hichoxyawakaplu hektuntshi hwaleru.

Atos 5:31

Seyni Hoyakalu hitaklu Jesus hpotukle sreta Tsru Hixikatshriwa rixyawakapa yine hiwekkakatshri rixyawakapa. Renejyawakna judeu-ne rehchinikanuxyawakapna hiyrunu rektunna ruknojyawakapna.

2 Pedro 3:9

Satkaka yineru kahwaklu Tsru Hixikatshriwa Hoyakalu hi haluka kamhaletatkalu htshinyawaka pixka. Seyni hike. Kchinikanurni wale. Klu tshinanu hi raluklu ramhiywakamkapa yineru hi satuknako, seyni walemka haluklu ptowru yineru rehchinikanuxyawakapa.